అఖిల్ "లెనిన్" మూవీపై నాగార్జున రివ్యూ.. "పెద్ది"తో పోటీకి సై !!

అక్కినేని అఖిల్ నటిస్తున్న చిత్రం "లెనిన్". మురళీ కిశోర్ అబ్బూరు దర్శకత్వంలో తెరకెక్కుతున్న ఈ సినిమాలో భాగ్య శ్రీ బోర్సే కథానాయికగా నటిస్తుంది. అక్కినేని నాగార్జున, సూర్యదేవర నాగవంశీ సంయుక్తంగా ఈ చిత్రాన్ని నిర్మిస్తున్నారు. ఇప్పటికే విడుదలైన టీజర్, ఫస్ట్ సాంగ్ ప్రేక్షకుల్లో భారీ అంచనాలను పెంచాయి. అయితే ఈ మూవీ గురించి గత కొన్ని రోజులుగా సోషల్ మీడియాలో రకరకాల వార్తలు వినిపిస్తున్నాయి. ఇదివరకే విడుదల కావాల్సిన ఈ సినిమా పెద్ది కోసం వాయిదా పడిన సంగతి తెలిసిందే. ఇక ఇప్పుడు మరోసారి ఈ మూవీ విడుదల విషయంలో వస్తున్న రూమర్లపై నాగార్జున ఎక్స్ (ట్విట్టర్) వేదికగా స్పందించారు.

నాగార్జున రివ్యూ..

లెనిన్ చిత్రం జూన్ 26 న విడుదలవుతుందని నాగార్జున స్పష్టం చేశారు. తాను ఇప్పటికే ఈ సినిమా ఫస్ట్ కట్ చూశానని.. ఇది అఖిల్ కెరీర్‌లోనే ఒక ప్రత్యేకమైన సినిమా అవుతుందని ధీమా వ్యక్తం చేశారు. అంతే కాకుండా మీరు ఈ సినిమాలో సరికొత్త అఖిల్‌ను చూస్తారు. ఈ చిత్రం ప్రేక్షకులకు ఒక గొప్ప అనుభూతిని ఇస్తుంది అని నాగార్జున పోస్ట్ చేశారు. దీంతో ఈ వార్త సోషల్ మీడియాలో ట్రెండింగ్ గా మారింది.

అయితే ఈ చిత్రాన్ని మే 1న విడుదల చేయాలని చిత్ర బృందం తొలుత భావించింది. కానీ రామ్ చరణ్ నటించిన "పెద్ది" చిత్రం ఏప్రిల్ 30న విడుదలవుతున్నట్లు ప్రకటించారు. ఈ మేరకు బాక్సాఫీస్ వద్ద పోటీని నివారించడానికి 'లెనిన్'ను జూన్ 26కు వాయిదా వేశారు. కానీ మళ్లీ పెద్ది సినిమా కూడా జూన్ 25కు వాయిదా పడటంతో.. లెనిన్ మరోసారి వెనక్కి వెళ్తుందేమో అన్న చర్చ మొదలైంది. కానీ నాగార్జున ప్రకటనతో ఈ సినిమా అనుకున్న సమయానికే వస్తుందని ఖరారైంది.

మొత్తానికి చాలా కాలం తర్వాత అఖిల్ నుంచి వస్తున్న మాస్ ఎంటర్‌టైనర్ కావడంతో, ఈ చిత్రం అతని కెరీర్‌కు టర్నింగ్ పాయింట్ అవుతుందని సినీ వర్గాలు భావిస్తున్నాయి. మూడు సంవత్సరాల విరామం తర్వాత అఖిల్ తెరపైకి రానుండటం కూడా ఈ సినిమాపై అంచనాలను పెంచుతోంది. ముఖ్యంగా 'ఏజెంట్' తర్వాత వస్తున్న ప్రాజెక్ట్ కావడంతో, ఈసారి హిట్ తప్పదనే నమ్మకంతో అభిమానులు ఎదురుచూస్తున్నారు. నాగార్జున పాజిటివ్ రివ్యూ ఈ సినిమాపై హైప్‌ను మరింత పెంచింది.

watched the first cut of our film LENIN last night.
I say this with confidence and pride… you are about to witness a new AKHIL on June 26 2026.
mark the date!!!
see you in the theatres🔥

— Nagarjuna Akkineni (@iamnagarjuna) April 29, 2026

English summary

Akkineni Akhil is acting in the film "Lenin". Directed by Murali Kishore Abbur, the film stars Bhagya Sri Borse as the female lead. Akkineni Nagarjuna and Suryadevara Nagavamsi are jointly producing the film.