విశ్వాసాల వెనుక దాగిన చీకటి రహస్యం.. హైందవ టీజర్ అదుర్స్!
బెల్లంకొండ సాయి శ్రీనివాస్ హీరోగా నటిస్తున్న సరికొత్త సినిమా 'హైందవ' టీజర్ విడుదలై అద్భుతంగా ఆకట్టుకుంటోంది. రహస్యం తీవ్రమైన భావోద్వేగాలు, యాక్షన్ అంశాల కలయికతో రూపొందిన ఈ టీజర్ సినిమాపై అంచనాలను ఒక్కసారిగా పెంచేసింది. ఓ విచిత్రమైన నేరం చుట్టూ తిరిగే ఇన్వెస్టిగేషన్, నమ్మకం, విశ్వాసాల వెనుక దాగి ఉన్న రహస్యాలను వెలికితీసే కథాంశంతో ఈ సినిమా తెరకెక్కినట్లు టీజర్ ద్వారా స్పష్టమవుతోంది.
రంగపురం అనే గ్రామంలోని ఓ ప్రాచీన ఆలయం నేపథ్యంలో ఈ కథ సాగుతుంది. గుడిలోని విగ్రహాలన్నీ అకస్మాత్తుగా మాయమవ్వడం, అదే సమయంలో గ్రామానికి చెందిన ఓ వ్యక్తి దారుణంగా హత్యకు గురికావడంతో అక్కడ తీవ్ర భయాందోళనలు నెలకొంటాయి. భయం, అస్పష్టతల మధ్య చిక్కుకున్న ఆ గ్రామంలో జరుగుతున్న నేరాల గుట్టు విప్పేందుకు, మానవత్వమే మన మతంగా భావించే ఓ నాస్తిక పోలీస్ అధికారి రంగంలోకి దిగుతాడు.
రగ్గడ్ లుక్‌లో సాయి శ్రీనివాస్.. తోడైన స్టార్ కాస్ట్
ఈ సినిమాలో బెల్లంకొండ సాయి శ్రీనివాస్ ఎంతో రగ్గడ్ అండ్ పవర్ఫుల్ లుక్‌లో కనిపిస్తున్నారు. పోలీస్ అధికారిగా సాయి శ్రీనివాస్ స్క్రీన్ ప్రెజెన్స్, యాక్షన్ సన్నివేశాలు టీజర్లో ప్రత్యేక ఆకర్షణగా నిలిచాయి. ఆయన సరసన సంయుక్త కథానాయికగా నటిస్తుండగా.. ప్రముఖ నటుడు మహేష్ మంజ్రేకర్ ఆలయ పూజారిగా కీలక పాత్రలో కనిపించనున్నారు. వీరితో పాటు సౌరభ్ సచ్‌దేవా, జేడీ చక్రవర్తి కూడా కీలక పాత్రలు పోషిస్తున్నారు.
గ్రాండ్ ప్రొడక్షన్ వాల్యూస్.. రిలీజ్ డేట్ ఫిక్స్
డైరెక్టర్ లుధీర్ బైరెడ్డి ఓ వినూత్నమైన కథాంశంతో, భక్తి, యాక్షన్ మేళవింపుతో ఈ సినిమాను తెరకెక్కించారు. హరీష్ కణ్ణన్ సినిమాటోగ్రఫీ, సామ్ సీఎస్ అందించిన బ్యాక్‌గ్రౌండ్ మ్యూజిక్ టీజర్లోని ఉత్కంఠను మరింత పెంచాయి. మూన్‌షైన్ పిక్చర్స్ బ్యానర్‌పై మహేష్ చందు నిర్మించిన ఈ సినిమా విజువల్‌గా చాలా అద్భుతంగా, నిర్మాణ విలువల పరంగా రిచ్‌గా కనిపిస్తోంది. భారీ అంచనాలు నెలకొల్పిన ఈ సినిమాను నవంబర్ 27న ప్రపంచవ్యాప్తంగా థియేటర్లలో విడుదల చేసేందుకు మేకర్స్ ముహూర్తం ఖరారు చేశారు.
Click it and Unblock the Notifications
Sign in with Google
