బుచ్చిబాబు- చిరంజీవి సినిమా.. మైత్రి నిర్మాణంలో..?

టాలీవుడ్ బ్లాక్ బస్టర్ డైరెక్టర్ బుచ్చిబాబు సానా అనగానే 'ఉప్పెన', 'పెద్ది' సినిమాలే గుర్తుకొస్తాయి. ఈ రెండు సినిమాలూ బాక్సాఫీస్ వద్ద సంచలన విజయాన్ని నమోదు చేసినవే. 2021 లో వచ్చిన ఉప్పెనలో మెగా హీరో పంజా వైష్ణవ్ తేజ్ ప్రధాన పాత్రలో, కృషి శెట్టి హీరోయిన్ గా నటించింది. ఈ మూవీ బడ్జెట్ రూ. 22 కోట్లు కాగా బాక్సాఫీస్ వద్ద రూ. 100 కోట్లకు పైగా కలెక్ట్ చేసింది. కరోనా సమయంలోనూ యువతను థియేటర్లకు రప్పించింది ఈ మూవీ.

దేవిశ్రీప్రసాద్ పాటలు ఈ మూవీలో ప్రధాన ఆకర్షణగా నిలిచాయి. ఈ మూవీ పాటలు ఇప్పటికీ ట్రెండ్ అవుతుంటాయి. ఇక ఆ తర్వాత నాలుగేళ్లు గ్యాప్ తీసుకుని మెగా పవర్ స్టార్ రామ్ చరణ్ తో 'పెద్ది' సినిమా తీశారు. గేమ్ ఛేంజర్ లాంటి డిజాస్టర్ తర్వాత రామ్ చరణ్ కమ్ బ్యాక్ సినిమాగా పెద్ది నిలిచింది. ఈ మూవీ 2026 లో తెలుగులో అత్యధిక కలెక్షన్స్ రాబట్టిన చిత్రంగా నిలిచింది. ఈ చిత్రానికి ఏఆర్ రహమాన్ సంగీతం అందించారు. ఈ సినిమాలోని చికిరి చికిరి సాంగ్ ఎంత పాపులర్ అయిందో తెలిసిందే.

అయితే పెద్ది చిత్రం తర్వాత బుచ్చిబాబు సానా తీస్తున్న సినిమాపై ఇప్పటివరకూ ఎలాంటి క్లూ రాలేదు. ఈ క్రమంలో ప్రస్తుతం సామాజిక మాధ్యమాల్లో ఓ వార్త వైరల్ అవుతోంది. బుచ్చి బాబు.. మెగాస్టార్ చిరంజీవితో తన తదుపరి చిత్రాన్ని తీస్తున్నట్లు తెలుస్తోంది. అయితే దీనిపై ఇప్పటివరకూ అధికారిక ప్రకటన రాలేదు. ఈ చిత్రాన్ని టాలీవుడ్ ప్రముఖ నిర్మాణ సంస్థ మైత్రి మూవీ మేకర్స్ తెరకెక్కించనున్నట్లు స్పష్టం అవుతోంది. ముచ్చటగా మూడోసారీ బుచ్చిబాబు మెగా కాంపౌండ్ లోనే సినిమాలు చేస్తున్నట్లు పలువురు నెటిజన్లు సామాజిక మాధ్యమాల్లో కామెంట్స్ పెడుతున్నారు. ఇక ఈ క్రేజీ ప్రాజెక్ట్ కు సంబంధించిన వివరాలు త్వరలోనే వెల్లడికానున్నట్లు తెలుస్తోంది. ఈ అప్డేట్ పై నెటిజన్లు పలు రకాలుగా కామెంట్స్ పెడుతున్నారు. ఈసారి ఏం కట్ చేస్తాడో అని ఓ యూజర్ కామెంట్ పెట్టాడు.