చిక్కుల్లో పడ్డ యంగ్ హీరో.. పార్టీలకు రావాలంటూ అమ్మాయిలకు మెసేజ్‌లు?

ప్రముఖ తమిళ హీరో ప్రదీప్ రంగనాథన్‌కు సంబంధించిన ప్రైవేట్ చాటింగ్ స్క్రీన్ షాట్స్ సోషల్ మీడియాలో లీక్ అవ్వడం ఇప్పుడు ఇండస్ట్రీలో హాట్ టాపిక్‌గా మారింది. 'లవ్‌టుడే', 'డ్రాగన్ ' వంటి బ్లాక్ బస్టర్ సినిమాలతో సెన్సేషన్ క్రియేట్ చేసిన ఈ హీరో.. ఇప్పుడు వివాదాల్లో చిక్కుకోవడం అభిమానులను ఆశ్చర్యానికి గురిచేస్తోంది. ఈ లీకుల వెనుక ఉన్న అసలు నిజమేమిటనే దానిపై ప్రస్తుతం నెట్టింట పెద్ద ఎత్తున చర్చన జరుగుతోంది.

వైరలవుతున్న ప్రైవేట్ చాట్ స్క్రీన్ షాట్స్
గత రాత్రి నుంచి ఎక్స్ (ట్విట్టర్), ఇన్‌స్టాగ్రామ్ వంటి వేదికలపై ప్రదీప్ రంగనాథన్ పేరుతో కొన్ని చాట్ స్క్రీన్ షాట్స్ చక్కర్లు కొడుతున్నాయి. ఓ ప్రముఖ మహిళా సోషల్ మీడియా ఇన్‌ఫ్లుయెన్సర్‌తో ప్రదీప్ రంగనాథన్ వ్యక్తిగతంగా సంభాషించినట్లు ఆ చిత్రాల్లో కనిపిస్తోంది. ఆ సంభాషణల సారాంశం ప్రకారం.. ప్రదీప్ తరచుగా సోషల్ మీడియా ఇన్‌ఫ్లుయెన్సర్లకు మెసేజ్‌లు పంపిస్తారని.. వారిని పార్టీలకు రావాలని ఆహ్వానిస్తుంటారని ప్రచారం జరుగుతోంది. ఈ స్క్రీన్ షాట్స్ క్షణాల్లో వైరల్ అవ్వడంతో, హీరో వ్యక్తిగత ప్రతిష్టకు భంగం కలిగేలా నెటిజన్లు రకరకాలుగా స్పందిస్తున్నారు.

ఇదంతా పబ్లిసిటీ జిమ్మిక్కేనా?
అయితే ఈ వ్యవహారంపై సోషల్ మీడియాలో మరో భిన్నమైన వాదన వినిపిస్తోంది. ఇది నిజమైన లీక్ కాదని, ప్రదీప్ తదుపరి చిత్రం 'లిక్' (Love Insurance Kompany - LIK) ప్రమోషన్ల కోసం చిత్ర బృందం ఆడుతున్న డ్రామా అని కొందరు నెటిజన్లు అభిప్రాయపడుతున్నారు. నేటి కాలంలో సినిమాలపై హైప్ క్రియేట్ చేయడానికి చిత్ర యూనిట్లు నెగటివ్ పబ్లిసిటీని కూడా ఓ ఆయుధంగా వాడుకుంటున్నాయి. ఇప్పటికే ఈ సినిమా విడుదల పలుమార్లు వాయిదా పడటంతో, ప్రేక్షకుల దృష్టిని మళ్లీ సినిమా వైపు తిప్పుకోవడానికి చేసిన ప్రచార ఎత్తుగడ ఇదంటూ విశ్లేషణలు వస్తున్నాయి.

Is this true? PR?? 😳😳😳 pic.twitter.com/dIJcpobkNt

— Sid 🚀Maxxx (@SidTweep) April 8, 2026

మౌనంగానే ఉన్న హీరో
ఈ వివాదం ఇంతలా ముదురుతున్నా.. హీరో ప్రదీప్ రంగనాథన్ నుంచి ఇప్పటివరకు ఎలాంటి అధికారిక ప్రకటన రాలేదు. సాధారణంగా ఇటువంటి లీకులు ఫేక్ అని తెలిసినప్పుడు సెలబ్రిటీలు వెంటనే స్పందిస్తుంటారు, కానీ ప్రదీప్ మౌనం వహించడం పలు అనుమానాలకు తావిస్తోంది. ఒకవేళ ఇదంతా సినిమా ప్రమోషన్లలో భాగమైతే.. త్వరలోనే దీనిపై చిత్ర బృందం నుంచి క్లారిటీ వచ్చే అవకాశం ఉంది. ప్రస్తుతానికి ఈ 'లీక్' వ్యవహారం తమిళ సినిమా ఇండస్ట్రీలో ప్రకంపనలు సృష్టిస్తూనే ఉంది.

English summary

Tamil hero Pradeep Ranganathan Private Social Media Chats Leaked with an influencer are trending. Fans wonder if it's a real scandal or a promotional stunt for LIK.