"జైలర్ 2"లో షారుఖ్ ప్లేస్లో ఆ బాలీవుడ్ స్టార్ హీరో.. 40 ఏళ్ల తర్వాత కాంబో రిపీట్ !!
సూపర్ స్టార్ రజినీకాంత్.. తమిళం, తెలుగు, కన్నడ, మలయాళం, హిందీ ఆయనకు భాషతో సంబంధం లేకుండా దేశ వ్యాప్తంగా అభిమానులు ఉన్నారు. కేవలం ఇండియా లోనే కాకుండా ప్రపంచ వ్యాప్తంగా కూడా రజినీకి ఫ్యాన్స్ ఉన్నారు. ముఖ్యంగా జపాన్, థాయ్ లాండ్, బ్యాంకాక్ సహా పలు దేశాల్లో సూపర్ స్టార్ సినిమాలకు విపరీతమైన క్రేజ్ ఉంది. ప్రస్తుతం వరుస సినిమాలతో దూసుకుపోతున్న ఈ స్టార్ హీరో.. ఇటీవలే లోకేష్ కనగరాజ్ దర్శకత్వంలో కూలీ చిత్రంతో ప్రేక్షకుల ముందుకు వచ్చారు. అయితే ఆ మూవీ ఆడియన్స్ ని ఆశించిన స్థాయిలో మెప్పించలేకపోయింది.
ప్రస్తుతం రజనీకాంత్ నెల్సన్ దిలీప్కుమార్ దర్శకత్వంలో 'జైలర్ 2' మూవీలో నటిస్తున్నారు. 2023లో వీరి కాంబినేషన్ లో వచ్చిన 'జైలర్' చిత్రం భారీ విజయాన్ని సాధించింది. మోహన్లాల్, శివ రాజ్కుమార్, జాకీ ష్రాఫ్ వంటి ప్రముఖ నటుల గెస్ట్ అప్పియరెన్స్ సినిమాకు హైలైట్ గా నిలిచాయి. ప్రపంచవ్యాప్తంగా దాదాపు రూ.600 కోట్లకు పైగా వసూళ్లు సాధించి.. రజనీకాంత్ క్రేజ్ ఏంటో మరోసారి నిరూపించింది. దీంతో సీక్వెల్ గా రాబోతున్న ఈ మూవీపై భారీ అంచనాలు నెలకొన్నాయి.
కాగా ఈ సీక్వెల్లో మోహన్లాల్, శివ రాజ్కుమార్ పాత్రలను కొనసాగిస్తూనే మరో తెలుగు స్టార్ హీరో కూడా కీలక క్యామియో రోల్ చేయనున్నట్లు వార్తలు వచ్చాయి. ఈ పాత్రలో టాలీవుడ్ స్టార్ నందమూరి బాలకృష్ణ నటించనున్నారన్న ప్రచారం సినీ వర్గాల్లో బాగా వినిపించింది. రజినీకి నందమూరి ఫ్యామిలీకి ఉన్న అనుబంధం గురించి తెలిసిందే. దాంతో ఆయన నటించడం పక్కా అని ఫిక్స్ అయ్యారు. ఏపీకి చెందిన పవర్ఫుల్ పోలీస్ ఆఫీసర్గా స్పెషల్ రోల్ చేయబోతున్నారని గుసగుసలు సైతం వినిపించాయి. కానీ డేట్స్ అడ్జస్ట్ కాకపోవడంతో బాలయ్య ఆ ప్రాజెక్ట్ చేయలేకపోయారని సినీ వర్గాల్లో చర్చ నడుస్తోంది.
అయితే కొద్దిరోజులుగా సోషల్ మీడియాలో షారూఖ్ ఖాన్ స్పెషల్ క్యామియో చేయబోతున్న జోరుగా డిస్కషన్ నడిచింది. షారూఖ్ నటించిన రావణ్ సినిమాలో.. చెన్నై ఎక్స్ ప్రెస్ మూవీలో రజినీకాంత్ రిఫరెన్స్ ఏ రేంజ్ లో వర్కౌట్ అయ్యాయో అందరికీ తెలిసిందే. అంతే కాకుండా వారి మధ్య ఉన్న సాన్నిహిత్యం కారణంగా షారూఖ్ నటించడం పక్కా అని ఫిక్స్ అయ్యారు. కానీ ఇప్పుడు అనూహ్యంగా ఆ పాత్రని పవర్ స్టార్ పవన్ కళ్యాణ్ చేశారని సినీ వర్గాల్లో టాక్ వినిపిస్తుంది. కానీ రాజకీయాలు, పాలనా పరమైన బిజీ కారణంగా పవన్- రజనీల కాంబో సెట్ కాలేదని తెలుస్తోంది.
మొత్తానికి ఈ పాత్ర కోసం బాలీవుడ్ సూపర్స్టార్ హృతిక్ రోషన్ని నెల్సన్ సంప్రదిస్తున్నారట. నెల్సన్ చర్చలు ఫలించి హృతిక్ రోషన్ కనుక జైలర్ 2లో నటిస్తే బాక్సాఫీస్ వద్ద విధ్వంసమే అని భావిస్తున్నారు. కాగా 1986లో హిందీలో రజనీకాంత్ నటించిన భగవాన్ దాదా మూవీలో ఆయనకి కొడుకుగా, బాలనటుడిగా కనిపించారు హృతిక్. దాంతో దాదాపు 40 ఏళ్ల తర్వాత తిరిగి రజనీతో హృతిక్ మళ్లీ స్క్రీన్ షేర్ చేసుకోబోతున్నారని ఫ్యాన్స్ కామెంట్స్ చేస్తున్నారు. ఈ ఇద్దరు కలిసి స్క్రీన్ మీద కనబడితే థియేటర్లు తగలబడిపోవడం పక్కా అంటూ పోస్టులు పెడుతున్నారు. మరి ఈ విషయం నిజమో కాదో తెలియాలంటే అధికారిక ప్రకటన వచ్చే వరకు వేచి చూడక తప్పదు.
Click it and Unblock the Notifications
Sign in with Google