మోదీ జీని కన్ఫ్యూజ్ చేయకండి అమిత్ షా జీ.. రాహుల్ సవాల్!
సర్(SIR) ప్రక్రియ, ఓట్ల చోరీ వివాదంపై ప్రధాని నరేంద్ర మోదీతో బహిరంగ చర్చకు తాను సిద్ధంగా ఉన్నానని లోక్‌సభ ప్రతిపక్ష నేత రాహుల్ గాంధీ మరోసారి సవాల్ చేశారు. ఈ విషయంలో కేంద్ర హోంశాఖ మంత్రి అమిత్ షా రకరకాల కామెంట్స్ చేస్తూ ప్రధాని మోదీకి గురిచేయవద్దని, తనతో బహిరంగ చర్చకు మోదీని అంగీకరించాలని రాహుల్ గాంధీ కోరారు.
ఎక్కడైనా, ఎప్పుడైనా చర్చకు సిద్ధం
సోషల్ మీడియా ప్లాట్‌ఫామ్ ఎక్స్ వేదికగా రాహుల్ గాంధీ స్పందిస్తూ.. "అమిత్ షా జీ.. మోదీ జీని కన్ఫ్యూజ్ చేయకండి. నాతో బహిరంగ చర్చకు రావడానికి ఆయనను ఒప్పించండి. వేదిక ఏదైనా నేను సిద్ధం. భయపడకండి(డరో మత్)" అని రాహుల్ పేర్కొన్నారు. ఈ సందర్భంగా పార్లమెంట్‌లోనూ, బయట సర్ ప్రక్రియపై అమిత్ షా మాట్లాడిన రెండు వేర్వేరు వీడియో క్లిప్‌లతో కూడిన వీడియోను రాహుల్ గాంధీ పంచుకున్నారు.
అమిత్ షా యూటర్న్ తీసుకున్నారంటూ కాంగ్రెస్ విమర్శలు
2025 డిసెంబర్ 10న రాహుల్ గాంధీ చేసిన ఆరోపణలకు పార్లమెంట్‌లో సమాధానమిస్తూ.. సర్ ప్రక్రియ అనేది ఎన్నికల సంఘం పరిధిలోని అంశమని, దానిపై పార్లమెంట్ లో చర్చ జరగలేదని అమిత్ షా పేర్కొన్నారు. అయితే ఇటీవల(నవంబర్ 5) హర్యానాలోని కర్నాల్‌లో జరిగిన ర్యాలీలో మాట్లాడిన అమిత్ షా.. సర్ ప్రక్రియపై ప్రతిపక్షాలకు నిజంగా చర్చ జరిపే ధైర్యం ఉంటే పార్లమెంట్ ప్రత్యేక సభకు రావాలని, తాము చర్చకు సిద్ధమని సవాల్ విసిరారు.
అమిత్ షా ఇలా మాట మార్చడంపై స్పందించిన రాహుల్ గాంధీ.. పార్లమెంట్ పరిమితులకు లోబడి కాకుండా ఏ వేదికపైనైనా ప్రధాన నరేంద్ర మోదీ నేరుగా తనతో ముఖాముఖి చర్చకు రావాలని డిమాండ్ చేశారు. ఈ వ్యవహారం ఇప్పుడు జాతీయ రాజకీయాల్లో తీవ్ర దుమారం రేపుతోంది.
अमित शाह जी, मोदी जी को कन्फ़्यूज़ मत कीजिए।बस उन्हें मेरे साथ खुली बहस के लिए मना लीजिए। कोई भी मंच, कोई भी समय।डरो मत। https://t.co/TciYEtNBIt
— Rahul Gandhi (@RahulGandhi) November 6, 2026
Click it and Unblock the Notifications
Sign in with Google
