విజయ్ తో భార్య విడాకులు.. త్రిష పోస్టు లీక్.. సీక్రెట్ అఫైర్ పై..!

కోలీవుడ్ స్టార్ హీరో, దళపతి విజయ్ గురించి ప్రత్యేకంగా చెప్పాల్సిన పనిలేదు. తన నటనతో తన కోట్లాదిమంది అభిమానులను సంపాదించుకున్నారు. అయితే ఇప్పడు విజయ్ కు అటు సినిమా పరంగా.. ఇటు పర్సనల్ లైఫ్ పరంగా బిగ్ షాక్ లు తగులుతున్నాయి. తాజాగా విజయ్ పై అతని భార్య సంగీత సంచలన నిర్ణయం తీసుకున్నారు. విజయ్ నుంచి విడాకులు కావాలని సంగీత కోర్టును ఆశ్రయించింది. మరో మహిళతో విజయ్ కు అక్రమ సంబంధం ఉందని కీలక ఆరోపణలు చేసింది. తనకు న్యాయం జరగకపోతే ఆమె ఎవరో బయటపెడతానని సంచలన ఆరోపణలు చేసింది. ఆమె ఆరోపణలు ఇప్పుడు హాట్ టాపిక్ గా మారాయి.

ఈ క్రమంలో విజయ్, త్రిషల మధ్య సీక్రెట్ ఎఫైర్ అంటూ నెట్టింట న్యూస్ వైరల్ అవుతోంది. త్రిష గతంలో పెట్టిన పోస్ట్‌లో ప్రేమ ఎప్పటికీ గెలుస్తుంది అంటూ చేసిన కామెంట్ తాజా పరిణామాల మధ్య దుమారం రేపుతోంది. అలాగే విజయ్‌ కు పుట్టినరోజు శుభాకాంక్షలు తెలుపుతూ త్రిష పెట్టిన పోస్టులు కూడా ఇప్పుడు వైరల్ అవుతున్నాయి. గతంలో వీళ్లిద్దరూ విదేశాలకు వెళ్లారంటూ ఫోటోలు వైరల్ అయిన సంఘటనను నెటిజన్లు ఇప్పుడు వైరల్ చేస్తున్నారు.

కోలీవుడ్ లో త్రిష టాప్ హీరోయిన్ గా ఉన్న విషయం తెలిసిందే. ఇక కోలీవుడ్ లో విజయ్- త్రిష జోడీ సరైందిగా చెబుతుంటారు. వీరి కాంబోలో ఐదు సినిమాలు రాగా.. 'గిల్లి', 'తిరుపాచి', 'లియో' వంటి బ్లాక్‌ బస్టర్ హిట్లు ఉన్నాయి. అయితే వీళ్లిద్దరూ ఎప్పుడూ వివాదాల్లో నిలుస్తూ వచ్చారు. కొన్నేళ్ల క్రితం విజయ్, త్రిష విదేశాలకు విహారయాత్రకు వెళ్లారంటూ కొన్ని ఫోటోలు సంచలనం సృష్టించాయి. ఆ పోస్టులో త్రిష.. ప్రేమ ఎప్పటికీ గెలుస్తుంది అని క్యాప్షన్ ఇచ్చింది. ప్రస్తుతం ఆ పోస్టులు వైరల్ అవుతున్నాయి. మరి తాజా పరిణామాల మధ్య ఈ వ్యవహారం ఎటు దారితీస్తుందో చూడాలి.

మరోవైపు ఈ ఏడాది తమిళనాడులో అసెంబ్లీ ఎన్నికలు జరగనున్నాయి. దళపతి విజయ్ నేతృత్వంలోని టీవీకే పార్టీ తొలిసారిగా బరిలోకి దిగుతుంది. అయితే తాజా పరిణామాల నేపథ్యంలో ఆయన పర్సనల్ లైఫ్ రాజకీయాలపై ఎలాంటి ప్రభావం పడుతుందో చూడాలి.