దుర్గం రవిందర్: తెలంగాణ రాష్ట్రం ఎలా ఉండాలంటే

By Pratap

Updated: Monday, November 25, 2013, 15:37 [IST]

హద్దులు చెరపని, ఆంక్షలు లేని తెలంగాణ ఇవ్వాలని తెలంగాణ కేంద్ర మంత్రులు కేంద్రాని కోరారు. ఢిల్లీలో కేంద్ర మంత్రి జైపాల్‌రెడ్డి నివాసంలో సమావేశమైన తెలంగాణ కేంద్ర, రాష్ట్ర మంత్రులు, ఎం.పి.లు, ఎమ్మెల్యేలు, ఇతర నాయకులంతా దీనిపై ఏకాభిప్రాయానికి వచ్చారు. రాష్ట్ర విభజన కోసం ఉద్దేశించిన 11 విధి విధానాలపై మంత్రుల బృందం వీరు చెప్పదలచుకున్న అంశాలను సిద్ధం చేశామన్నారు. మీరు ఏమి చెప్పిన వారు చేయదలచుకున్నది చేస్తారు. మీరు చెప్పటం వారు వినటం అంత లాంచనం. అది ఒక ఆచారంగా జరుగుతుంది. వారు జివోఎంకు ఇచ్చిన నివేదికలోని ప్రదానాంశాలు ఇలా ఉన్నాయి.

సీడబ్ల్యుసీ తీర్మానంలో చెప్పినట్లు హైదరాబాద్‌ రాజధానిగా పదని జిల్లాలతో కూడి తెలంగాణ ఇవ్వాలి.

పోలవరం పేరుతోనో, లేదంటే 1956 ముందు ఆంధ్ర ప్రాంతంలో ఉందన్న కారణంతోనో భద్రాచలం రెవిన్యూ డివిజన్‌ను ఖమ్మం జిల్లా నుంచి వేరుచేయొద్దు.

ఉమ్మడి రాజధానిగా హైదరాబాద్‌ రెవిన్యూ డివిజన్‌ను మాత్రమే పరిమితం చేసి పదేళ్లకాలాన్ని 5 ఏళ్లకు తగ్గించాలి.

రాష్ట్ర విభజన జరిగిన తక్షణం రెండురాష్ట్రాలకు ప్రత్యేక హైకోర్టు, బార్‌కౌన్సిళ్లు ఏర్పాటు చేయాలి.

371-డి ఆర్టికల్‌ను సవరించి రెండు రాష్ట్రాలకు వర్తింప జేయాలని కోరారు.

తెలంగాణ ప్రాంతంలో చేపట్టిన సాగునీటి ప్రాజెక్టుల నిర్మాణం పూర్తి చేయడానికి ఇంకా 66 వేల కోట్లు కావాల్సి వస్తుందని రాష్ట్ర ప్రభుత్వమే జీఓఎంకు నివేదిక పంపినందున వాటి పూర్తికి కేంద్రం సాయం చేయాలి.

సింగరేణి కాలరీస్‌లో సీమాంధ్రకు వాటాలు ఇవ్వొద్దు

రాయల తెలంగాణ ప్రతిపాదన వస్తే తిరస్కరించాలి.

శాంతిభద్రతలు, భూమి, రెవిన్యూ, మున్సిపల్‌ వ్యవహారాలు, ఉన్నత విద్య రంగాలను ఈ పదేళ్ళు రెండు రాష్ట్రాలకు అందుబాటులో ఉండేందుకు మీలు కాదు.

నదీ జలాల పంపిణీ విషయంలో ట్రైబ్యునళ్ల తీర్పులకు కట్టుబడి ఉంటామని, నియంత్రణమండలి ఏదైనా ఏర్పాటుచేస్తే దాన్ని కృష్ణానదిపరీవాహక ప్రాంతానికి మాత్రమే పరిమితం చేసేలా మంత్రుల బృందాన్ని ఒప్పించాలి.

తెలంగాణాలోని వెనుకబడిన ప్రాంతాలకు ప్యాకేజి కోరాలి.

హైద్రాబాద్‌ ఆదాయాన్ని కేవలం తెలంగాణకే పరిమితం చేయాలి. అందులో కొత్త ఆంధ్రప్రదేశ్‌ రాష్ట్రానికి ఎలాంటి పంపిణీ వుండకూడదని హైద్రాబాదులో, ఢిల్లీలో సమావేశమైన కాంగ్రెస్‌ కేంద్ర, రాష్ట్ర మంత్రులు, ఎమ్మెల్యేలు, ఎమ్మెల్సీలు రెండు, మూడు దఫాలు సమావేశమయ్యారు. మొన్న నిన్నటి వరకు నిమ్మకు నీరెత్తినట్లు ఉన్న స్తబ్దులు కూడ హాడావిడిగా తెలంగాణ వేదికలు ఎక్కిన హల్‌చల్‌ చేస్తున్నారు.ఇలాంటి వారుకూడ ఈ సమావేశానికి హాజరయ్యారు.

వస్తున్న వార్తలు, జరుగుతున్న పరిణామాలు, చూస్తుంటే తెలంగాన రాష్ట్ర విభజన ప్రక్రియ మరింత వేగవంతం అయ్యేట్లున్నది. దీనికి అనుగుణంగానే స్తబ్దనాయకులు, సమైక్యవాదులు గళాలను సమరించి జై తెలంగాణ అనడానికి సిద్ధపడుతున్నారు.