తనికెళ్ల 'సామాన్యసూక్తం': అభినవ పూటకూళ్ళు
రాకుమారుడు పులిపాలు తెచ్చుటకు వెళ్ళుట... మజ్జలో పూటకూళ్ళమ్మ వద్దకు వెళ్ళుట... ఆవిడ పంచభక్ష పరవాణ్ణములు పెట్టుటయేకాక రాకుమారిని లేవదీసుకుపోవుటకు సులభమార్గమును సూచించుట! ఇదీ జానపద గాథాక్రమం... పేదరాసి పెద్దమ్మ పోతూ పోతూ పూటకూళ్ళ ఇళ్ళని తీసుకుపోయిందేమో హోటళ్ళు వెలిశాయ్.
కాకా హోటళ్ళు... బాకా హోటళ్ళు... ఇరానీ, ఉడిపి... మలబారు, చైనా..... బ్రాహ్మణ... మిలిటరీ... అలా వర్ణాక్రమ ధర్మాల్ని గూడా పాటించి జాతికోటీ, వర్గానికోటీ ఇంకానయం కాంగ్రెస్ హోటళ్ళనీ కమ్యూనిస్టు హోటళ్ళనీ మొదలెట్టలేదు...
మేలుజాతి హోటళ్ళని చుక్కల హోటళ్ళందురు... అందు చుక్కా... పక్కా గూడా లభిస్తాయంటారు మరి నిజం మనకి తెలీదు...
మా కొంప దగ్గర ఓ హోటలుంది... నారాయణ... నారాయణ... అందులో భోంచేస్తే రౌరవాది నరకాల్ని సందర్శించినంత అనుభూతి కలుగుతుంది... అది సోల్ట్రేడర్ బిజినెస్సు... ప్రొప్రైటర్ అతనే మేనేజర్ అతనే క్లీనర్ సర్వర్ కుక్కు అలా పాత్రల్ని తోవడము కాకుండా పాత్రోచితంగా నటిస్తాడు... ఆ చుట్టుప్రక్కల రెండు కిలోమీటర్లవరకూ 'అన్నదాత' వాడే! అంచేతే తప్పక వెళ్ళడం... అదీ ఎప్పుడో! పిండాలెట్టినట్టు మూడు ముద్దలెడ్తాడు... ఓ లిక్విడ్ పోసి అది ''రసం'' అంటాడు... ఇంకో పదార్ధం సామూహిక సాంబార్, అందులో కందమూలములతో పాటు కొంత పచ్చిగడ్డి వేస్తాడు... మరో జేగురురంగు పదార్థం పేరు చట్నీ... నాలిక అతుక్కుపోతుంది... పండుగలకి 'స్వీటు' అని పేరెట్టి మైసూరుపాకం చేస్తాడు... ఆ రోజు దాన్ని దంతక్షయం లేకుండా నమలగలిగితే పండగ చేసుకున్నట్టే!
అన్నం పలుకయిందేమిరా అన్నామా మర్నాడు జావ... మెత్తబడిందేరా అంటే మేకులు... ఈ హోటల్ పక్కనే ఓ క్లినిక్కుంది... ఈ హోటల్వల్ల అది బాగుపడ్తోంది... అంచాత భావిభారత యువకులకి కుక్కింగ్లో ట్రైనింగ్ ఇస్తే సుఖపడ్తారు వాళ్ళయినా... స్వయంపాకమంత ఉత్తమం లేదని శాస్త్రమే వుందీ!
-
140 కోట్ల మంది కలలు ఛిద్రం.. ప్రపంచ కప్ నుంచి భారత్ అవుట్! -
రైతు భరోసా నిధులు జమ విషయంలో లేటెస్ట్ అప్డేట్! -
మిథునరాశిలో బృహస్పతి ప్రత్యక్ష సంచారం.. ఈ రాశులవారు నక్కతోక తొక్కుతున్నారు! -
బెంగళూరుకు ప్రత్యేక రైళ్లు- ఏపీలో హాల్ట్ స్టేషన్లు -
ఉగాది నుంచి మకర రాశి, ధనుస్సు రాశి వారి జాతక ఫలం -
టాలీవుడ్ స్టార్ హీరో ఎంగేజ్మెంట్ -
రైతులకు శుభవార్త.. ఆ డబ్బులు నేరుగా మీ బ్యాంకు ఖాతాల్లోనే! -
today rashiphalalu:కుంభరాశిలో ముఖ్య గ్రహాలతో వీరింట సంపదల పంట! -
నరేంద్ర మోదీ స్టేడియంలో లక్కీ లెగ్ ల్యాండ్- లెక్క సరిపోయింది -
బంగాళాఖాతంపై ఉపరితల ఆవర్తనం- ఏపీలోని ఈ జిల్లాల్లో వర్షాలు -
26 ఏళ్లుగా వెంకటేష్ రికార్డును బద్ధలు కొట్టలేకపోతున్న తెలుగు స్టార్ హీరోలు -
కుప్పకూలుతున్న బంగారం రేట్లు- ఈ వారంలో
Click it and Unblock the Notifications
Sign in with Google