వాహ్ అమితాబ్, గ్రేట్ బ్లాగ్ !

బాలీవుడ్ తారలు బ్లాగింగ్ లో బిజీ గా ఉన్నారు. కానీ విచారించాల్సిన విషయం ఏమిటంటే బ్లాగుల్లో తమ సినిమాల కంటే తోటి తారలపై ఆరోపణలు చేయడం పైనే వారు ఎక్కువ దృష్టి కేంద్రీకరిస్తున్నారు.బాలివుడ్ షెహన్ షా అమితాబ్ విషయమే తీసుకుంటే ఆత్యంత తక్కువ కాలంలోనే ఆయన ప్రపంచంలోనే మేటి బ్లాగర్ అయ్యారు. ఎన్నికల సమయం కాబట్టి హిల్లరీ క్లింటన్ బ్లాగు ఒక్కో పోస్టుకు వచ్చే వెయ్యికి పైబడ్డ కామెంట్లను పక్కన పెడితే, ప్రపంచ మేటి బ్లాగర్, హాఫింగ్టన్ ను అమితాబ్ బ్లాగింగులో ఎప్పుడో మించిపోయారు. హాఫింగ్టన్ బ్లాగు కన్నా అమితాబ్ బ్లాగుకు ఎన్నో రెట్లు (ఒక్కో పోస్టుకు 700 పైగా కామెంట్లు) ఎక్కువ రెస్పాన్స్ వచ్చింది. మీడియా ద్వారా కాకుండా తమ అభిమాన తారలతో నేరుగా కమ్యూనికేట్ చేయడానికి బ్లాగింగ్ నెటిజన్స్ కు ఒక చక్కటి మార్గంగా ఉపయోగపడుతోంది. ఇప్పుడు విదేశాల్లో కార్పొరేట్ సంస్ధలకు తమ ఉధ్యోగులు, క్లయింట్లతో కమ్యూనికేట్ చేయడానికి బ్లాగు అత్యుత్తమమైన సులువైన మార్గం.

విదేశాల్లో ఆత్యున్నత స్దాయి అధికార్లు,నాయకులు ప్రజలకు చేరువవ్వడానికి బ్లాగు అత్యుత్తమ మార్గంగా భావిస్తున్నారు. కానీ ఇండియాలో మాత్రం బ్లాగింగ్ ఇంకా రాజకీయ నాయకుల దాకా చేరలేదుకానీ ఈ మద్యే అమితాబ్ సినీ నటులను చులకన చేసి మాట్లాడిన పలువురు రాజకీయ నాయకులను "ప్రతి ఐదు సంవత్సరాలకొకసారి నటించేవార"ని తన బ్లాగ్ లో చాలా ఘాటుగా విమర్శించారు. రాజకీయ నాయకులు బహిరంగ సభలో మైకు పెట్టి వాగిన దానికన్నా నిస్సందేహంగా అమితాబ్ బ్లాగిందే ఎక్కువ మందికి చేరింది. షారుఖ్ కి కూడా బాలివుడ్ షెహన్ షా తన బ్లాగ్ ద్వారానే చురకలంటించారు. అమీర్ ఖాన్ ఇటీవలే తను కొత్తగా కొన్న "బంగ్లా వాచ్ మెన్ కుక్క పేరు షారుఖ్"అని బ్లాగి మరో వివాదానికి తెరతీశారు. ఆయన ఉద్దేశ్యం ఏమైనా అది వివాదానికి దారి తీసింది. అనంతరం ఆయన షారుఖ్ కి క్షమాపణ చెప్పినా బాలీవుడ్ తారల మనస్పర్దలను ఇది మరోసారి బయటపెట్టింది. అమితాబ్ కూడా తారల రాతలను వక్రీకరించొద్దని నెటిజన్లకు విఙ్ఞప్తి చేసారు. నెటిజన్ల నుండి ప్రశంసలు, విమర్శలు రెండూ వస్తాయని రెంటినీ స్వీకరించడానికి సిధ్దంగా ఉండాలని అమితాబ్ అనుభవం. బాలివుడ్ సంగతి అలా ఉంచితే మేధావులు నుండి మొదలుకొని ప్రతి ఒక్కరూ తమ అనుభవాల్ని, అభిప్రాయాల్ని, అభిరుచుల్ని ప్రపంచంతో పంచుకోడానికి బ్లాగింగ్ ని చక్కని సాధనంగా భావిస్తున్నారు.