బిగ్ బాస్ షోలో రామ్ దేవ్

బిగ్ బి బిగ్ బాస్ రియాల్టీ షోలో బాబా రామ్ దేవ్ పాల్గొనే అవకాశాలున్నాయి. ఈ యోగా గురును బిగ్ బాస్ రియాల్టీ షో నిర్మాతలు సంప్రదించినట్లు సమాచారం. ఈ రియాల్టీ షోలో మరో 12 మంది పోటీదారులతో పాటు రామ్ దేవ్ బాబా కూడా పాల్గొనే అవకాశాలున్నట్లు ప్రచారం జరుగుతోంది. అయితే ఈ విషయాన్ని అధికారికంగా ధృవీకరించడం లేదు. ఈ షోను, దీని ఫార్మాట్ ను చాలా ఆసక్తికరంగా మలిచేందుకు నిర్మాతలు ప్రయత్నిస్తున్నారు. దాంతో ఈ షోలో విభిన్న రంగాలకు చెందిన వారిని భాగస్వాములను చేసేందుకు ప్రయత్నిస్తున్నారు. రామ్ దేవ్ బాబాతో వ్యవహారాన్ని అత్యంత గోప్యంగా ఉంచుతున్నారు. దీనిపై ఎవరు కూడా పెదవి విప్పేందుకు సిద్ధంగా లేరు. నేటి తారలపై రామ్ దేవ్ బాబా వ్యాఖ్యలు కూడా ఇందులో ఉంటాయని అంటున్నారు. ఇది షోను చాలా ఆసక్తికరంగా ఉంటాయి. వర్తమాన తారలపై ఆయన ఇప్పటికే విమర్శలు చేశారు.

గురు రామ్ దేవ్ బాబాకు చాలా విషయాల్లో అభ్యంతరాలున్నాయి. వర్తమాన పరిణామాలపై నిర్మొహమాటంగా మాట్లాడే తత్వం అయనది. సినీ రంగంపై, రాజకీయ రంగంపైనే కాకుండా వివిధ విషయాలపై ఆయన సందర్భం వచ్చినప్పుడల్లా మాట్లాడుతూనే ఉన్నారు. ఈ షోలో పాల్గొనేందుకు ఆయన అనుమతి ఇచ్చారా లేదా అనేది తెలియడం లేదు. ఆయనే గనుక అనుమతి ఇచ్చి ఉంటే తప్పకుండా అది ఆసక్తికరంగా మారుతుందనడంలో సందేహం లేదు.