లైఫ్ స్కేప్స్: నవీన్ తెలుగు కథానికలు ఆంగ్లంలో

నవీన్ కథానికలు విస్తారమైన జీవితాన్ని స్పృశిస్తాయి. తెలుగు ప్రజల మానసిక, సాంఘిక, రాజకీయ వైరుధ్య, సారూప్యతలకు అవి అద్దం పడతాయి. సున్నిత స్వభావుల మానసిక ఘర్షణలు, మనసులేని సంరక్షకుల, యజమానుల చేత చిన్న పిల్లల దోపిడీ, గ్రామీణ తెలంగాణలో హింస, యాచకుల అవమానకరమైన జీవితాలు, మహిళలపై వివక్ష, పురుషులను అర్ధం చేసుకోలేని కొందరు మహిళలు నవీన్ కథల్లో సాక్షాత్కరిస్తాయి. ఆయన పాత్రలు ఎన్నో రకాలుగా ఉంటాయి. ఆయన పరిష్కారం ఇలా ఉండాలంటూ తీర్పు ఇవ్వరు. సమస్యలను సమగ్రంగా ఆవిష్కరించి పాఠకుల మనో నేత్రాలు మెరిసేలా చేస్తారు.

"అంపశయ్య" నవల ద్వారా అందరికీ తెలిసిన నవీన్ 23 నవలలు, 50 కథలు రాశారు. తెలుగులో చైతన్య స్రవంతి రచనా ప్రక్రియను ప్రవేశపెట్టింది ఆయనే. ఆయన అంపశయ్య నవల ఐదు ముద్రణలు పొందింది. హిందీ, తమిళ భాషల్లోకి అనువదితమైంది. నవీన్ కథానికలు ప్రపంచంలోని అత్యున్నత సాహిత్యంతో తులతూగుతాయి. ఆయనకు 1994లో సాహిత్య అకాడమీ అవార్డు, 1997లో మానవ వనరుల మంత్రిత్వ శాఖ సీనియర్ ఫెలోషిప్ వచ్చాయి.

Buy This Book