వెబ్ లో భారతీయ భాషలపై సర్వే

వెబ్ లో ఇటీవల ప్రాంతీయ భాషల ప్రాధాన్యం గణనీయంగా పెరిగింది. ఏ దేశమేగినా ఎందు కాలిడినా తమ మాతృభాషలోనే వ్యవహారాలు నడిపేందుకు కూడా అవకాశం లభిస్తోంది. ప్రాంతీయ భాషల పోర్టల్స్ కూడా గణనీయమైన ఆదరణను పొందుతున్నాయి. వార్టన్ అల్యుమ్ని వినూత్నమైన సర్వేకు శ్రీకారం చుట్టింది. వెబ్ లో భారతీయ భాషల వినియోగంపై సర్వేకు పూనుకుంది. సర్వేలో ఎక్కువగా స్థానిక లేదా ప్రాంతీయ భాషల వినియోగం జరుగుతుంది. ఆంగ్లభాషను మినహాయించి అనుకూలమైన ఏ భాషనైనా ఈ సర్వేలో వీక్షకులు వాడుకోవచ్చు. అయితే, ఆ భాష వారి రాష్టానికి, ప్రాంతానికి, తెగకు, జాతికి సంబంధించిన ప్రధానమైన భాష అయి ఉండాలి. ఈ సర్వేకు గాను వార్టన్ అల్యుమినీ ఎనిమిది ప్రశ్నలు ఇచ్చింది.

మీ ప్రాథమిక స్థానిక భాషగా దేన్ని పరిగణిస్తున్నారు? మీరు ఏ దేశంలో ఉంటున్నారు? భారతదేశంలో నివసిస్తుంటే ఏ నగరంలో జీవిస్తున్నారు? మీ విద్యాస్థాయి ఏది? వంటి ప్రశ్నలను వార్టన్ అల్యుమ్ని ఇచ్చింది. మీరు ఏ భాషలో సునాయసంగా సంభాషణ జరపగలరంటూ ఆంగ్లంతో పాటు తెలుగు, కన్నడ, మలయాళం, బెంగాలీ, తమిళం భాషలను ఇచ్చింది. తాము ఇచ్చిన భాషలనే కాకుండా ఇతర భాషలను కూడా చెప్పవచ్చునని తెలిపింది. ఏ వార్తలను ఎక్కువ కోరకుంటున్నారు, ఏ విధమైన కంటెంట్ ను కోరుకుంటున్నారనే వ్రశ్న కూడా ఇచ్చింది. సర్వేలో పాల్గొనడానికి http://bit.ly/bwGbp0 ని క్లిక్ చేయండి.