సెక్స్ స్కామ్: నిత్య గోపిక
కాగా, తనకు మగతనం లేదని నిత్యానంద చెప్పిన మాటలను సిఐడి పోలీసులు విశ్వసించడం లేదని తెలుస్తోంది. తాను పురుషుడిని కానని, అందువల్ల లైంగిక కార్యకలాపాల్లో పాల్గొనే అవకాశం లేదని నిత్యానంద చెప్పాడు. కేసును తప్పుదోవ పట్టించడానికే అతను అలా చెబుతున్నాడని అనుకుంటున్నారు. నిత్యానంద పాస్ పోర్టులో ఆయన పురుషుడని ఉంది. హైదరాబాద్ నుంచి ఫోరెన్సిక్ లాబొరేటరీ నివేదిక కోసం పోలీసులు ఎదురు చూస్తున్నారు. పోలీసుల వద్ద మొత్తం 36 వీడియో క్లిప్పులు ఉన్నాయి. వాటిలో ఐదుగురు మహిళలతో అతను సన్నిహితంగా ఉన్నట్లు తెలుపుతున్నాయి. ఆ సిడిని పోలీసులు విశ్లేషణ కోసం హైదరాబాద్ పంపారు. శుక్రవారం ఆ నివేదిక అందే అవకాశం ఉంది.
భారతదేశం నుంచి విదేశాలకు వెళ్లినప్పుడు, తిరిగి వచ్చినప్పుడు నిత్యానంద వద్ద ఏయే వస్తువులున్నాయనే విషయాన్ని తెలియజేయాలని రెవెన్యూ ఇంటలిజెన్స్ డైరెక్టరేట్ అన్ని విమానాశ్రయాలకు ఆదేశాలు జారీ చేసింది. అమెరికాకు బంగారంతో చేసిన కమండలాలు, స్లిప్పర్లు తీసికెళ్లాడని డైరెక్టరేట్ పరిశోధనల్లో వెల్లడైంది. కాగా, నిత్యానందతో తాను రాసలీలలు జరిపినట్లు ప్రసారమైన వీడియోలు నిజానివి కావని రంజిత అంటోంది.