రీల్ హీరోనే కాదు, రియల్ హీరో కూడా..

సినిమాల్లో హీరోలు ఎన్ని రకాల పీట్లు, ఫైట్లు చేస్తారో తరచూ మనం చూస్తూనే ఉన్నాం. మరి వారు సినిమాల్లో చేసినట్లు రియల్ లైఫ్ లో చేలగలరా? అక్కడ అంటే అన్ని ఏర్పాట్లు ఉంటాయి కాబట్టి అవలీలగా చేయగలుగుతారు. మరి నిజ జీవితంలో ఎలాంటి ముందస్తు ఏర్పాటు లేకుండా అలా చేయడం వారికి చేతనవుతుందా? అంటే కాదనే చెప్పాలి. కానీ ఓ హీరో మాత్రం నిజ జీవితంలో తన హీరోయిజం చూపించాడు. దొంగలను వెంటాడి పట్టుకుని ఓ మహిళను కాపాడాడు. ఎవరా హీరో అనుకుంటున్నారా..? మన తెలుగు హీరో మాత్రం కాదులెండి.

అని పేరు జగ్గేష్. కన్నడ సినిమా హీరో మరియు పొలిటీషన్. ఇటీవల బెంగుళూరు మల్లేశ్వరం 18వ క్రాస్ లోని జగ్గేష్ ఇంటి వద్ద ఓ సంఘటన చోటు చేసకుంది. ఆయన ఫోన్ మాట్లాడుతూ ఇంటి బయట నిల్చోగా ఓ ఇద్దరు చైన్ స్నాచర్స్ ఓ మహిళ మెడలోని గోల్డ్ చైన్ ను తస్కరించి బైక్ పై పరారయ్యారు. సదరు మహిళ అరుపులు మొదలు పెట్టడంతో వెంటనే స్పందించిన జగ్గేష్ వారిని చేస్ చేసి పట్టుకున్నాడు. ఆ ఇద్దరు చైన్ స్నాచర్స్ కాలేజీ కుర్రోళ్లే కావడం గమనార్హం. ఈ విషయమై వెంటనే పోలీసులకు సమాచారం అందించడంతో ఆ ఇద్దరిని అరెస్టు చేశారు పోలీసులు. జగ్గేష్ ఇలా చేయడం ఇదే తొలిసారి కాదు. గతంలో(ఫిబ్రవరి 9, 2010న) రైల్వే ట్రాక్ పై ప్రమాదవశాత్తు పడి గాయపడిన ఓ వ్యక్తిని కాపాడి స్వయంగా ఆసుపత్రికి తీసుకెళ్లాడు.

English summary

Actor-politician Jaggesh was standing outside his house on Malleswaram 18th cross, near MES College, and talking to a friend over mobile. Suddenly, a young girl's screams startled him out of his wits. He saw two men hurriedly escaping on a motorcycle after snatching the girl's gold chain.