ఎసి జాకెట్‌తో సూర్యతాపం నుండి రక్షించుకోండి

లండన్: నమ్మండి, నమ్మక పొండి. జపాన్ దేశ సైంటిస్టులు జాకెట్ లోపల ఎయిర్ కండిషన్ సిస్టం అమర్చుతున్నారు. జపాన్లోని కుచోఫుకు కంపెనీ తయారు చేసే జాకెట్లలో రెండు ఎలక్ట్రిక్ ఫానులు లిధియం అయాన్ బేటరీ ప్యాక్ తో పనిచేసేవి అమర్చారు. ఇవి ఒక సారి ఛార్జి చేస్తే చాలు 11 గంటలు నిరాటంకంగా పనిచేస్తాయి. సాధారణ ఎయిర్ కండిషన్ కంటే కూడా తక్కువ ఇంధనాన్నే తీసుకుంటాయి. దీని ధర 87 పౌండ్లుగా చెపుతున్నారు. సెకండుకు 20 లీటర్ల గాలిని జాకెట్ అంతా పంపి కాలర్లు, చేతి చివర్ల ద్వారా బయటికి పోతుందని డైలీ టెలిగ్రాఫ్ పత్రిక వెల్లడించింది.

మనం చల్లదనం భావించాలంటే, గది అంతా చల్లగా చేయనవసరం లేదని, మనం వేసుకునే జాకెట్ చల్లగా వుంటే చాలనే భావన కలుగడంతో దీనిని తయారు చేశామని కంపెనీ అద్యక్షుడు హిరోషి ఇచ్చిగయా చెపుతారు. ఇప్పటికే ఇంధన కొరతతో అణు ఇంధనం కొరకు కష్టాలు పడుతున్న జపాన్లో ఈ కంపెనీ జాకెట్లు జోరుగా అమ్మకాలవుతున్నాయి. కంపెనీ ఇక గదిలో వుండే కుషన్లు, మేట్రస్ లు కూడా చల్లగాలితో నింపే ప్రయత్నాలు చేస్తూ వ్యక్తిగత కూలింగ్ రేంజ్ ఉత్పత్తులను తయారు చేస్తోంది.

English summary

In fact, sales for clothes with their own personal aircon systems are soaring in Japan, as the country seeks ever more ingenious ways of cooling down while saving energy as the nuclear crisis rumbles on. The jacket is one of a range of popular cooling products made by the company.