నాగార్జునకు పెద్ద సవాల్

నాగార్జునకి ఇప్పుడు పెద్ద సవాల్ ఎదురైనట్లే.ఆయన ఒప్పుకున్న 'షిర్డి సాయి'చిత్రం ఓ ఛాలెంజ్ గా మారింది. ఎందుకంటే బాబా భక్తులలో చాలామందికి అంతకుముందు విజయ్ చందర్ నటించిన 'శ్రీ షిర్డీ సాయిబాబా మహత్యం'చిత్రం బాగా నచ్చింది. వారికి బాబా అంటే విజయ్ చందర్.. బాగా గెటప్ లో గుర్తు వచ్చేలా చేసారు. ఆ తర్వాత చాలామంది బాబా గెటప్ లలో కనపడే ప్రయత్నం చేసారు కానీ ఏమీ వర్కవుట్ కాలేదు. బాబాగా వేరేవారిని ప్రేక్షకులు రిసీవ్ చేసుకోలేదు. ఈ నేపధ్యంలో రాఘవేంద్రరావు దర్సకత్వంలో నాగార్జున చిత్రం కమిటవ్వటం చాలా మందికి ఆసక్తి కలిగించింది. ఇప్పటికే 'అన్నమయ్య', 'శ్రీరామదాసు' చిత్రాలలో నటించి మెప్పించి ఉండటం వల్ల నమ్మకం కలుగుతున్నా బాబాగా ఎంతవరకూ నాగార్జున పాత్రలోకి పరకాయ ప్రవేశం చేయగలరనేది సమస్య అంటున్నారు.

అందులోనూ రొమాంటిక్ హీరోగా పేరు తెచ్చుకున్న నాగార్జున..బాబాలోని నిరాడంబరత్వాన్నీ, ప్రేమ తత్త్వాన్నీ, శాంతి తత్త్వాన్నీ ఎంతవరకూ ప్రతిబింబించగలరనేది ప్రశ్నగా మారింది. ఇక ఈ చిత్రం కోసం ఇప్పటికే షిర్డీలో మ్యూజికల్ సిట్టింగ్స్ జరుగుతున్నాయి. కీరవాణి సంగీత దర్శకత్వంలో ఈ పాటలు ప్రాణం పోసుకుంటున్నాయి. భక్తికే ప్రాధాన్యత ఇచ్చి ఈ సినిమాని భక్తులను పరవసింపచేసేలా చేయటమే తన లక్ష్యమని అంటున్నారు నిర్మాతలు. దానికితోడు ఇన్నాళ్ళుగా భక్తి చిత్రాలకు కేరాప్ ఎడ్రస్ గా మారిన జె.కె భారవి ఈ చిత్రం స్క్రిప్టుని రాయటం లేదు. పరుచూరి బ్రదర్స్ ఈ భక్తి చిత్రానికి రచన చేస్తున్నారు. ఈ నేపధ్యంలో ఇంతకీ విజయ్ చందర్ ఇమేజ్ లోంచి ప్రేక్షకులను బయిటకు తెచ్చి నాగార్జున తనదైన ముద్ర వేయగలడా లేదా అన్నది చూడాలి.

English summary

The Devotional combination of Telugu cinema, Nagarjuna and k Raghavendra rao is back with a new film. This movie is based on the life sri Shirdi Saibaba. Nagarjuna will be playing saibaba role.