రామ్ చరణ్..బచ్చా చేష్టలు

By Bojja Kumar

Published: Monday, October 3, 2011, 18:25 [IST]

ఏ వ్యక్తి రాణించాలన్నా పరిపక్వత(మెచ్యురిటీ)అనేది చాలా ముఖ్యం. ఆయా రంగాల్లో వారు ఉన్నత స్థాయికి ఎదగాలంటే పర్ ఫెక్ట్ ఆటిట్యూడ్ ఉండాలి. సినిమా రంగంలో టాలెంట్ తో పాటు మెచ్యూరిటీ కూడా చాలా అవసరం. అలా ఉండబట్టే చిరంజీవి మెగాస్టార్ అయ్యాడు. తాజా‌గా జూనియర్ ఎన్టీఆర్, మహేష్ బాబు లాంటి హీరోలు టాప్ రేంజ్ లో దూసుకెలుతున్నారు. అయితే చిరంజీవి తనయుడు రామ్ చరణ్‌కు ఇంకా ఇది అబ్బినట్లే లేదు. పబ్లిక్ ఫంక్షన్ లలో ఎలా మాట్లాడాలో ఆయనకు అస్సలు తెలియనదు అంటున్నారు సినీ విశ్లేషకులు. ఇటీవల సెవెన్త్ సెన్స్ ఆడియో వేడుకలో చరణ్ ప్రవర్తనే ఇందుకు నిదర్శనం అంటున్నారంతా.

చరణ్ ఈ ఆడియో వేడకలో మాట్లాడుతూ...'తెలుగు హీరోలు మంచి నటులే కాక పోతే సూర్యతో పోల్చుకునేంత సీన్ లేదు" అనే విధంగా మాట్లాడాడు. చరణ్ ప్రవర్తన తెలుగు నటులను అవమాన పరిచే విధంగా ఉందని పలువురు అభిప్రాయ పడుతున్నారు. ఇదే కాకుండా సెవెన్త్ సెన్స్ దర్శకుడు మురుగదాస్ ను చరణ్ పబ్లిగ్గా బెగ్గింగ్ చేశారు. మీ సినిమాలో ఛాన్స్ ఇవ్వాలంటూ అడుక్కున్నాడు. ఇలా ప్రవర్తించడం మెచ్యూరిటీ ఉన్న హీరో లక్షణాలు కాదంటున్నారు సినీ పెద్దలు. ఈ విషయం తెలిసిన చిరంజీవి చరణ్ కు ప్రత్యేకంగా క్లాస్ పీకినట్లు సమాచారం. పరిశ్రమలోకి వచ్చి ఇన్నేళ్లయినా చరణ్ ఇంకా బచ్చా హీరోలా వ్యవహరించడం ఏమిటని చాలా మంది విమర్శిస్తున్నారు.

Published On October 3, 2011