నాకు హెచ్ఐవీ పాజిటివ్: రష్యా టీవీ యాంకర్ ప్రకటన

మాస్కో: తనకు హెచ్ఐవీ పాజిటివ్ ఉందని ఓ న్యూస్ రీడర్ బహిరంగ ప్రకటన చేశాడు. అతను రష్యాలో పాపులర్ టీవీ హోస్ట్. మంగళవారం రాత్రి ఆయన ఈ ప్రకటన చేశాడని వార్తలు వస్తున్నాయి. తాను పని చేస్తున్న ఛానల్‌లో ఒక కార్యక్రమం సందర్భంగా మాట్లాడుతూ... అతను ఈ ప్రకటన చేశాడు.

డాజ్‌డ్ అనే ఇండిపెండెంట్ టీవీ స్టేషన్లో పావెల్ లోబ్కోవ్ పని చేస్తాడు. డిసెంబర్ 1న వరల్డ్ ఎయిడ్స్ డే సందర్భంగా టీవీలో ఒక కార్యక్రమం జరుగుతుండగా అతను ఈ వ్యాఖ్యలు చేశాడు. లోబ్కోవ్ తనకున్న వ్యాధి గురించి బహిరంగంగా చెప్పడంతో రష్య న్ ప్రజలు, సామాజిక మాధ్యమాల ద్వారా నెటిజన్లు ప్రశంసిస్తున్నారు.

తనకు మద్దతుగా నిలిచిన వారికి ఈ సందర్భంగా అతను కృతజ్ఞతలు తెలిపారు. 2003లో తనకు ఈ వ్యాధి సోకిందని, తన మెడికల్ ఫైల్ పైన హెచ్ ఐవీ + అని నాడు డాక్టర్ రాసిన విషయాన్ని లోబ్కోవ్ ప్రస్తావించారు.

తన క్లినిక్‌లో ఎక్కువ కాలం ట్రీట్మెంట్ ఇవ్వడం వీలుపడదని డాక్టర్ చెప్పినప్పుడు, తనకు ఆత్మహత్య చేసుకోవాలనిపించిందన్నారు. కానీ ఇప్పుడు తాను ఒక మంచి స్థానంలో ఉన్నానని పేర్కొన్నారు.

English summary

A popular Russian TV host announced that he's HIV positive on air Tuesday night, according to a report.