'ఫ్యాషన్ గర్ల్': చీర గొప్పతనంపై రోజా (ఫోటోలు)

By Nageswara Rao

Published: Thursday, April 14, 2016, 10:17 [IST]

హైదరాబాద్: నగరంలోని శ్రీనగర్‌కాలనీలోని శ్రీసత్యసాయి నిగమాగమంలో 'ఫ్యాషన్‌ గర్ల్‌' పేరిట ఏర్పాటు చేసిన వస్త్ర, హస్తకళా ప్రదర్శనను ఏర్పాటు చేశారు. ఈ ప్రదర్శనను సినీ నటి, వైసీపీ ఎమ్మెల్యే రోజా బుధవారం ప్రారంభించారు.

ఈ సందర్భంగా రోజా మాట్లాడుతూ భారతదేశ సంస్కృతి, సంప్రదాయాల్లో చేనేత, చేతివృత్తులకు విశేష స్థానం ఉందని అన్నారు. విదేశీ వనితలూ చీరకట్టేందుకు ఆసక్తి చూపడం చీర గొప్పతనమని అన్నారు. ఈ సందర్భంగా ప్రదర్శనలో ఉన్న ఉత్పత్తులను పరిశీలించారు.

అనంతరం ప్రదర్శనలోని పలు చీరలతో ఆమె ఫోటోలకు ఫోజులిచ్చారు. వివిధ ప్రాంతాలకు చెందిన కళాకారులు రూపొందించిన ఉత్పత్తులను ఈ వస్త్ర ప్రదర్శనలో అందుబాటులో ఉంచారు. ఈ వస్త్రప్రదర్శన ఈనెల 15వరకు కొనసాగుతుందని నిర్వాహకులు కవితారెడ్డి, కల్పానారెడ్డి, సాయి మనోజ్ఞరెడ్డి తెలిపారు.