• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

జగన్ పై సోనియా ఆలోచన?

By Pratap
|

YS Jagan
కాంగ్రెసు అధ్యక్షురాలు సోనియా గాంధీ తనంత తానుగా పిలిపించుకుని కడప పార్లమెంటు సభ్యుడు వైయస్ జగన్ కుటుంబ సభ్యులను కలిశారు. తల్లి విజయలక్ష్మి, సోదరి షర్మిళలతో కలిసి జగన్ సోనియాతో సమావేశమయ్యారు. అయితే, జగన్ కోణం నుంచి ఆలోచిస్తే ఆ భేటీ ఫలితం ఇవ్వలేదు. మారు మాటాడకుండా జగన్ కుటుంబ సభ్యులు హైదరాబాదు వచ్చేశారు. ఎంత ఆశగా వారు ఢిల్లీ వెళ్లారో, అంత నిరాశతో తిరిగి వచ్చినట్లు భావించవచ్చు. ఓదార్పు యాత్రకు అనుమతి సంపాదించాలనేది వైయస్ జగన్ ఎత్తుగడ కాగా, దివంగత నేత వైయస్ రాజశేఖర రెడ్డి సభ్యులకు గౌరవం ఇవ్వడం లేదనే విమర్స రాకుండా చూసుకోవడం సోనియా ఎత్తుగడగా కనిపిస్తోంది. జగన్ వ్యూహం బెడిసికొట్టినట్లే భావించవచ్చు. జగన్ ఓదార్పు యాత్రకు అనుమతి ఇవ్వాలనే ఉద్దేశంతో జగన్ కుటుంబ సభ్యులను ఢిల్లీకి పిలువలేదని అంటున్నారు. ఇందులో నిజం లేకపోలేదు.

నిజానికి, రాష్ట్రస్థాయి నాయకుడిగా జగన్ ను ముందు పెట్టేందుకు సోనియా సిద్ధంగా లేరనేది స్పష్టం. రాష్ట్ర కాంగ్రెసుకు గానీ ప్రభుత్వానికి గానీ నాయకత్వం వహించే అనుభవం, పరిపక్వత జగన్ కు లేవని ఆమె భావిస్తున్నట్లు సమాచారం. అనుభవరాహిత్యం వల్ల ఆయన జగన్ అనాలోచితంగా వ్యవహరిస్తున్నారని సోనియా కోటరీ కూడా భావిస్తోంది. తనను తాను ఎక్కువగా ఊహించుకుంటూ, వైయస్ కోటరి సహాయంతో రాష్ట్ర రాజకీయాలను తన చేతుల్లోకి తీసుకోవాలని, ముఖ్యమంత్రి పీఠం అధిష్టించాలని జగన్ తొందరపడుతున్నట్లు సోనియా భావిస్తున్నారు. పిల్లగాడిని చెడగొడుతున్నారని సోనియా జగన్ పై గతంలో వ్యాఖ్యానించినట్లు వార్తలు వచ్చాయి. జగన్ విషయంలో సోనియాకు ఉన్న అభిప్రాయం అంతే. అంతకు మించి జగన్ ను ఆమె పరిగణనలోకి తీసుకోవడం లేదు.

జగన్ లో ఎవరినీ ఖాతరు చేయని గుణం, ఒంటి చేత్తో రాష్ట్రంలో చక్రం తిప్పుతాననే అతి విశ్వాసం సోనియాకు నచ్చడం లేదని చెబుతున్నారు. వైయస్ పై లోలోపల ఉడికిపోతూ కూడా కిమ్మనకుండా సీనియర్ కాంగ్రెసు నేతలు జగన్ ను తీవ్రంగా వ్యతిరేకిస్తున్నారు. దశాబ్దాలుగా పార్టీని అంటిపెట్టుకుని సేవలందించిన రాష్ట్రంలోని సీనియర్ నాయకుల మాటలను సోనియా బేఖాతరు చేసే ఉద్దేశంతో కూడా ఆమె లేరు. వారంతా జగన్ కు వ్యతిరేకంగానే ఉన్నారు. నిజానికి, జగన్ కు మద్దతు కన్నా, వ్యతిరేకత ఎక్కువగా ఉంది. ఈ వ్యతిరేకులపై ఏదో రీతిలో జగన్ తన ప్రతాపం ప్రదర్శిస్తూనే ఉన్నారు. రాష్టస్థాయి నాయకుడికి అది సరిపడని వ్యవహారం. ప్రత్యర్థులను కూడా మెప్పించి, ముందుకు సాగే పరిపక్వత జగన్ లో లేదనేది స్పష్టం.

జగన్ ప్రస్తుత పద్ధతిలోనే వ్యవహరిస్తే ముఖ్యమంత్రి పదవి ఆయనకు మరింత దూరం కావచ్చు. ఆయన ఎంతగా తొందరపడితే అంత దూరంగా ఆ పదవి జరుగుతూ పోతుంది. పార్లమెంటు సభ్యుడిలా వ్యవహరిస్తూ మెల్లగా రాష్ట్రస్థాయికి ఎదిగే వ్యూహరచన చేసుకోవడం తప్ప జగన్ ప్రస్తుతం మరో మార్గం లేదు.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X