• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

పులిపై ఎందుకు వ్యతిరేకత?

By పెద మల్లయ్య
|

Pawan Kalyan
ప్రముఖ నటుడు, ప్రజారాజ్యం పార్టీ అధినేత చిరంజీవి తమ్ముడు పవన్ కళ్యాణ్ నటించిన కొమరం పులి ప్రదర్శనను అడ్డుకుంటామని తెలంగాణ విద్యార్థి ఐక్య కార్యాచరణ కమిటీ (జెఎసి) ప్రకటించింది. తెలంగాణకు వ్యతరేకంగా వ్యవహరిస్తున్న చిరంజీవి కుటుంబ సభ్యుల సినిమాలను అడ్డుకుంటామని తెలంగాణవాదులు మొదటి నుంచీ చెబుతూ వస్తున్నారు. అందులో భాగంగానే కొమరం పులిని అడ్డుకోవడానికి సిద్ధమవుతున్నారు. అయితే, తెలంగాణవాదులను ఒప్పించి, పోలీసు బందోబస్తు ఏర్పాటు చేసుకుని సినిమా ప్రదర్శనకు అడ్డంకులు లేకుండా చేసుకోవచ్చు. చూసేవాళ్లు చూస్తారు కూడా. కానీ, సమైక్యవాదులు తెలంగాణవాదులు ఎందుకు సీమాంధ్ర హీరోల సినిమాలను అడ్డుకోవడానికి ప్రయత్నిస్తున్నారనే ఆలోచన ఇసుమంత కూడా చేయడం లేదు. తెలంగాణ రాష్ట్రాన్ని కోరుతున్నవారి వాదనల్లో పస ఉందని అంగీకరించడానికి కూడా ముందుకు రావడం లేదు. గుడ్డిగా, ఏక పక్షంగా సమైక్యాంధ్ర నినాదాన్ని తీసుకున్నారు. ఆ వాదానికి తెలంగాణవారంతా అణగి మణిగి ఉండాలని డిమాండ్ చేస్తున్నారు. అది ఏకపక్ష వాదన మాత్రమే అవుతుంది. కనీసం తెలంగాణవారి మనోభావాలను గుర్తించడానికి కూడా అంగీకరించని సీమాంధ్రుల ఆధిపత్యాన్ని వ్యతిరేకించడానికి సినిమా ప్రదర్శనను అడ్డుకోవడం ఒక ప్రతీత్మాక అభివ్యక్తి అని గుర్తించాల్సి ఉంటుంది.

Telangana Liberation day:నిజాం రజాకార్ల నిరంకుశ పాలన నుంచి విముక్తి ఎలా కలిగింది..?

పైగా, ప్రజారాజ్యం పుట్టినప్పుడు పవన్ కళ్యాణ్ తెలంగాణపై అమితమైన ప్రేమను కురిపించారు. తెలంగాణలో పర్యటించారు. కల్లు తాగారు, చిందులేశారు. ఆ తర్వాత ప్రజారాజ్యం పార్టీలో సంభవించిన పరిణామాలతో, ఎన్నికల్లో ప్రజారాజ్యం పార్టీ వైఫల్యంతో ఆయన పూర్తిగా రాజకీయాల ఊసు మానేశారు. అన్నయ్యను ముఖ్యమంత్రి చేయాలని ఆయన కలలు కన్నారు. తెలంగాణను ఓటు బ్యాంకుగా మార్చుకోవడానికి పవన్ కళ్యాణ్ ఆ ప్రేమను కురిపించాడనేది దాన్ని బట్టి అర్థమవుతోంది. రాజకీయాల మాట అటుంచితే ఇప్పుడు పులి సినిమా పేరును కొమరం పులిగా మార్చేసి తెలంగాణ ప్రజలను మాయ చేసేందుకు పూనుకున్నారు. కొమురం భీంను స్ఫురించజేస్తూ ఆ పేరును మార్చి డబ్బులు దండుకోవడానికి ప్రయత్నిస్తున్నారు.

సినిమాలకు, రాజకీయాలకు సంబంధం లేదని సీమాంధ్ర నాయకులు అంటున్నారు. రాజకీయాలతో సంబంధం లేకపోతే, సినీ ప్రముఖులు ఏదో రాజకీయ పార్టీలో ఎందుకున్నారనేది ప్రశ్న. పైగా, రాష్ట్ర విభజన సమస్య తలెత్తినప్పుడు సమైక్య నినాదాన్ని ఎందుకు ఎత్తుకుంటున్నారనేది మరో ప్రశ్న. తెలుగు చలన చిత్రాలను కళగా చెప్పుకునే పరిస్థితిగానీ, తెలుగు సినిమావాళ్లను కళాకారులు అని పిలిచే పరిస్థితి గానీ లేదు. సినిమా రంగం పూర్తిగా వ్యాపారమై పోయింది. సినీ రంగాన్ని పూర్తి వ్యాపారమయంగా మార్చిన వారిలో పవన్ కళ్యాణ్ కుటుంబ సభ్యులు కూడా ఉన్నారు. సినిమాను అడ్డుకుంటామంటే ఒక కళాకారుడిగా, ఒక వ్యక్తిగా తమ తరఫున పవన్ కళ్యాణ్ మాట్లాడుతారని అభిమానులు ఆశ పడడంలో తప్పు లేదు. తెలంగాణ ప్రజల మనోభావాలను పవన్ కళ్యాణ్ పట్టించుకోవాల్సిన అవసరం ఉంది.

న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X