జగన్ పార్టీ పేరులో కాంగ్రెస్ అందుకేనా?
నల్గొండ జిల్లాకు చెందిన శివకుమార్కు చెందిన వైఎస్ఆర్ కాంగ్రెస్ పార్టీని కూడా కేవలం ఉప ఎన్నికల వరకే తీసుకుంటారని తనకు కేంద్ర ఎన్నికల సంఘం నుండి అనుమతులు వచ్చిన తర్వాత వైఎస్ఆర్ పార్టీ లేదా మరేదైనా ఆలోచిస్తారని చెప్పారు. కానీ జగన్ ఆఖరకు కాంగ్రెస్ పేరు లేకుండా పార్టీని ప్రకటించ లేకపోయాడు. జగన్ తనకు ఇమేజ్ తగ్గిందని భావించడం వల్లనే తన పార్టీ పేరులో కాంగ్రెస్ను కలిపి లాభం పొందాలని చూస్తున్నారనే వాదనలు ఇప్పుడు వినిపిస్తున్నాయి. గతంలో కూడా పలువురు కాంగ్రెస్ నేతలు, మంత్రులు జగన్కు దమ్ముంటే కాంగ్రెస్ పేరు లేకుండా పార్టీ పెట్టుకోవాలని ఛాలెంజ్ చేశారు. కానీ జగన్ మాత్రం ఆ పేరు లేకుండా పార్టీని పెట్టలేక పోయాడు. కాంగ్రెస్ పేరు లేకుండే తీవ్రంగా నష్టపోవాల్సి ఉంటుందనే భావనతోనే ఆ పేరుతో పార్టీని ప్రకటించినట్లుగా పలువురు భావిస్తున్నారు.
అంతేకాదు జగన్ మరో అడుగు ముందుకేసి పార్టీ జెండాలో వైఎస్ ఫోటోతో పాటుగా వైఎస్ ప్రవేశ పెట్టిన పథకాలను కూడా జెండాలో ఉంచారు. కాంగ్రెస్ పేరు, వైఎస్ పేరుతో పాటు కాంగ్రెస్ పార్టీ ఆధ్వర్యంలో ఆయన ప్రవేశ పెట్టిన పథకాలను కూడా ఆయన క్యాష్ చేసుకోవాలని చూస్తున్నారనే వాదనలు వినిపిస్తున్నాయి. జగన్ పార్టీ వీడాక ప్రజలనుండి వచ్చిన రెస్పాన్స్ ఇప్పుడు రాకపోవడం వల్లనే ఆయన వాటి ద్వారా ప్రజలలోకి వెళితేనే వారు తనను గుర్తించే అవకాశం ఉందని భావిస్తున్నట్టుగా ఉన్నారు. మొత్తానికి కాంగ్రెస్ పేరుతో పాటు, పథకాలను తన జెండాలో పెట్టుకోవడం వల్ల జగన్కు తన ఇమేజ్ తగ్గిందనే అనుమానంతో పాటు వాటి ద్వారా కాంగ్రెస్ పార్టీని దెబ్బతీస్తూ తాను లాభ పడవచ్చనే భావనలో ఉన్నట్టుగా తెలుస్తోంది.
Click it and Unblock the Notifications
Sign in with Google