• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

అమెరికాలో తెలంగాణ మార్చ్

By Pratap
|

Telangana NRI
హైదరాబాదులో ఈ నెల 10వ తేదీన జరిగే మిలియన్ మార్చ్‌కు సంఘీభావంగా శాన్‌ఫ్రాన్సికోలోని గాంధీ విగ్రహం వద్దకు బే ఏరియా తెలంగాణవాదులు ఈ నెల 6వ తేదీన మార్చ్ కార్యక్రమం నిర్వహించారు. భారీ వర్షంలోనూ దాదాపు 200 మంది ఈ మార్చ్‌లో పాల్గొన్నారు. ర్యాలీ అరగంట పాటు సాగింది. మార్చ్ మార్కెట్ స్ట్రీట్ మీదుగా సాగింది. తెలంగాణ రాష్ట్ర ఏర్పాటు కోసం వారంతా గాంధీ విగ్రహానికి వినతిపత్రం సమర్పించారు. తెలంగాణ ఉద్యోగులకు, టీచర్లకు, అధికారులకు, విద్యార్థులకు, అన్ని వర్గాల ప్రజలకు సహాయ నిరాకరణ ఉద్యమం దారిని చూపినందుకు కృతజ్ఞతలు తెలుపుతూ వారు ఈ వినతిపత్రం సమర్పించారు.

గాంధీ చేపట్టిన సహాయ నిరాకరణ ఉద్యమం దేశంలోని మూలమూలలకు వ్యాపించిందని, బ్రిటిష్ పాలకులను పంపించి వేయడానికి ప్రజలను చైతన్యవంతులను చేయడానికి ఆ ఉద్యమం స్థానిక నాయకులకు ఓ ఆయుధంగా ఉపయోగపడిందని ఈ మార్చ్ సందర్భంగా ప్రసంగించిన వక్తలు అన్నారు.ఆంధ్రప్రదేశ్ విభజనకు పాటుపడుతున్న భావసారూప్యత గల స్థానిక నాయకుల వెనక తెలంగాణ ప్రజలు ర్యాలీ కావాలని వారు కోరారు సహాయ నిరాకరణ ఉద్యమాన్ని చూసైనా కేంద్ర, రాష్ట్ర ప్రభుత్వాలు రాష్ట్ర విభజనకు ముందుకు రావాలని వారు డిమాండ్ చేశారు. అందుకుగాను వెంటనే పార్లమెంటులో బిల్లు ప్రతిపాదించాలని వారు విజ్ఢప్తి చేశారు.

మార్చి 10వ తేదీన హైదరాబాదులో జరిగే మిలియన్ మార్చ్‌లో పెద్ద యెత్తున పాల్గొనాలని వారు తెలంగాణ ప్రజలను కోరారు. మిలియన్ మార్చ్‌ సందర్భంగా ప్రశాంతతకు భంగం వాటిల్లకుండా చూడాలని వారు సూచించారు. తెలంగాణ ప్రజలు ఆంధ్రప్రజలకు వ్యతిరేకం కారని, తెలంగాణ ప్రజల స్వయం పాలన హక్కును గౌరవిస్తూ తెలంగాణలో పెట్టుబడులు పెట్టడానికి ఆంధ్ర ప్రజలు ముందుకు రావచ్చునని వారన్నారు. తెలంగాణ ఎన్నారైలు మార్చ్ సందర్భంగా జై తెలంగాణ నినాదాలు చేశారు. మిలియన్ మార్చ్ ధక్కా, తెలంగాణ పక్కా అంటూ వారు నినదించారు.

English summary
In support of Telangana Million March in Telangana (Hyderabad) of India on 10th March 2011, Bay Area Telanganites have gathered together for solidarity Telangana March to Gandhi Statue at historic Embarcadero Street of San Francisco on 6th March Sunday 2011.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X