వాస్తు బాబును బయటపడేస్తుందా?
పార్టీ కార్యాలయంలో మార్పులకు కేరళకు చెందిన వాస్తు నిపుణుడిని సంప్రదించారు. 2004లో గంగయ్య చౌదరి అనే వాస్తు నిపుణుడి సలహా మేరకు పార్టీ కార్యాలయంలో స్వల్ప మార్పులు చేశారు. 2004 ఎన్నికల్లో తెలుగుదేశం పార్టీ ఓటమి పాలు కావడంతో ఆ వాస్తు నిపుణుడికి తిలోదకాలు ఇచ్చారు. గంగయ్య చౌదరి కన్నా కేరళకు చెందిన వాస్తు నిపుణుడు ప్రతిభావంతుడని తెలుగుదేశం వర్గాలు నమ్ముతున్నాయి.
వాస్తు ప్రకారం - దక్షిణవైపు ఉన్న పార్టీ కార్యాలయం ముఖద్వారాన్ని మూసేసి తూర్పు వైపు పెడుతున్నారు. అంగరక్షకుల కోసం కొత్త కార్యాలయాన్ని నిర్మిస్తున్నారు. దాదాపు ఆరేడు మార్పులు చేస్తున్నారు. చంద్రబాబు నాయుడు కార్యాలయంలోకి తూర్పు దిశ నుంచి నేరుగా సెల్లార్లో కారులో వెళ్లి అక్కడి నుంచే తన గదికి చేరుకునే ఏర్పాట్లు కూడా చేస్తున్నారు. మార్పులన్నీ పూర్తయిన తర్వాత చంద్రబాబు కష్టాల నుంచి గట్టేక్కుతారో, లేదో చూడాలి.