వైయస్ జగన్ వ్యాఖ్యలు వ్యూహాత్మకమేనా?
అందుకే గాలికి తనకు ఎలాంటి సంబంధం లేదని చెప్పినట్లుగా భావిస్తున్నారు. కానీ గాలి, జగన్ల సంబంధాలు జగమెరిగిన సత్యమే అనేది వారి వాదన. అంతేకాదు 2009లో మీడియా సమావేశంలో దివంగత ముఖ్యమంత్రి వైయస్ రాజశేఖర రెడ్డి తనకు తండ్రి లాంటి వాడని, జగన్ తన సోదరుడని గాలి స్వయంగా చెప్పారు. అంతేకాదు జగన్, గాలికి వ్యాపార సంబంధాలు ఉన్నాయనే ఆరోపణలు ఉన్నాయి. అలాగే గాలితో తన సంబంధాలు, పార్లమెంటులో తనకు బిజెపి మద్దతు పలకడం తదితర కారణాల వల్ల తాను ఎప్పటికైనా బిజెపి పక్షాన చేరే అవకాశం ఉందని ప్రజలు భావిస్తారనే ఉద్దేశ్యంతో వారి అనుమానాలు నివృత్తి చేసే వ్యూహంలో భాగంగానే జగన్ ఈ వ్యాఖ్యలు చేసినట్లుగా తెలుస్తోంది. అంతేకాకుండా కాంగ్రెసులో తిరిగి చేరనని, బిజెపియేతర పక్షాలు కేంద్రంలో అధికారంలోకి వస్తే రాష్ట్ర ప్రయోజనాల దృష్ట్యా మద్దతు ఇస్తానని చెప్పారు.
బెజెపియేతర పక్షాలు అంటే కాంగ్రెసు ఉన్న యుపిఏకు మద్దతు ఇస్తానని జగన్ చెప్పినట్లేనని తెలుగుదేశం వంటి పార్టీలు అభిప్రాయపడుతున్నాయి. కాంగ్రెసులో చేరనని చెప్పారు కానీ అదే సమయంలో బిజెపియేతర పక్షానికి మద్దతు పలుకుతానని పరోక్షంగా చెప్పడం అంటే ఎప్పటికైనా కాంగ్రెసులోచేరకుండా యుపిఏకు మద్దతు మాత్రమే పలుకుతానని చెప్పడమే అందులోని అర్థమని అభిప్రాయం వ్యక్తం చేస్తున్నారు. తాము మొదటి నుండి జగన్ ఎప్పటికైనా కాంగ్రెసు గూటికి చేరే వాడని అంటున్నామని ఇప్పుడు ఆయన వ్యాఖ్యలు కూడా వాటినే నిరూపిస్తున్నాయని టిడిపి నేతలు అంటున్నారు. ప్రస్తుతం తనపై జరుగుతున్న సిబిఐ దాడుల నుండి తప్పించుకోవడానికి జగన్ బిజెపికి మద్దతు పలకనని చెప్పి యుపిఏ భాగస్వామ్యాలకు దగ్గరవ్వాలని చూస్తున్నారని కానీ రాజకీయాల్లో ఏ పార్టీతోనైనా కలిసే అవకాశం ఉందని మరికొందరు అభిప్రాయపడుతున్నారు. రాష్ట్రంలో బిజెపికి పెద్దగా బలం లేనందున ఆయన దానిని ఎన్నుకునే అవకాశాలు లేక పోవచ్చునని అభిప్రాయపడుతున్నారు.
Click it and Unblock the Notifications
Sign in with Google