'ముడుపులతో కట్టిన భవంతుల్లో జగన్'
వాన్పిక్ వ్యవహారంలో మంత్రి ధర్మాన ప్రసాద రావు నేరపూరిత కుట్రకు పాల్పడ్డారని సిబిఐ ఇందులో స్పష్టం చేసింది. అదే సమయంలో హైదరాబాదులోని, బెంగళూరులోని అత్యాధునిక జగన్ ఇళ్లు కూడా ముడుపులతో వచ్చిన డబ్బులతో నిర్మించినవే అని సిబిఐ తన ఛార్జీషీటులో ఆరోపించింది. ప్రముఖ పారిశ్రామికవేత్త నిమ్మగడ్డ ప్రసాద్ కోట్లాది రూపాయలను జగన్ కంపెనీలలో పెట్టారన్నారు.
నిమ్మగడ్డ ప్రసాద్కు చెందిన కంపెనీల నుండి సుమారు రూ.57 కోట్ల రూపాయలు సిలికాన్ బిల్డర్స్కు వచ్చాయని, ఆ కంపెనీ ఇన్స్పైర్ హోటల్స్, షాలోమ్ ఇన్ ఫ్రా, మార్వేల్ ఇన్ ఫ్రా, క్యాప్స్టోన్, యుతోపియా తదితర కంపెనీలలో పెట్టుబడులు పెట్టిందని తెలిపారు. నిమ్మగడ్డకు చెందిన కోట్లాది రూపాయలు హైదరాబాద్, బెంగళూరులోని జగన్ నివసిస్తున్న ఇళ్లు నిర్మించేందుకు ఉపయోగించారని పేర్కొన్నారు.
సిలికాన్ బిల్డర్స్ జగన్కు వ్యక్తిగతంగా లబ్ధి చేకూర్చిందని తెలిపారు. నిమ్మగడ్డ గ్రూపు కంపెనీలు వైయస్సార్ ఫౌండేషన్కు రూ.7 కోట్లు విరాళం రూపంలో ఇచ్చిందని తెలిపారు. గుంటూరు, ప్రకాశం జిల్లాల్లో 18,878 ఎకరాల ప్రభుత్వ/అసైన్డ్ భూమిని నిబంధనలకు విరుద్ధంగా వాన్పిక్ ప్రాజెక్ట్స్కు కేటాయించడంలో ధర్మాన కీలక పాత్ర పోషించారని కూడా సిబిఐ తన ఛార్జీషీట్లో పేర్కొంది.
Click it and Unblock the Notifications
Sign in with Google