బాలయ్య వర్సెస్ బాబు

చంద్రబాబు నాయుడు చెట్టును కొట్టి నెత్తిన వేసుకుంటున్నారా? బాలకృష్ణను క్రియాశీలక రాజకీయాల్లోకి ఆహ్వానించిన ఆయన ఇప్పుడు ఎన్నో భయాలతో బతుకుతున్నారు. ముప్పై ఏళ్ళుగా రాజకీయాల్లో ఉన్నా, తొమ్మిదేళ్ళ పాటు ముఖ్యమంత్రిగా ఉన్నా చంద్రబాబు నాయుడికి అభిమానులు చాలా తక్కువ. ఆయన ఎవరినీ నమ్మరు. ఆయనను ఎవరూ నమ్మరు. జాతకరీత్యా, నెట్ వర్కింగ్ రీత్యా ముఖ్యమంత్రి అయిన చంద్రబాబు నాయుడికి ఇప్పుడు బాలకృష్ణ రూపంలో ముప్పు పొంచి ఉంది.

"కాబోయే ముఖ్యమంత్రి బాలయ్య బాబే" అంటూ నిన్న జరిగిన ఒక కార్యక్రమంలో బాలకృష్ణ అభిమానులు నినాదాలు ఇవ్వడం చంద్రబాబు నాయుడికి బాధ కలిగించినట్టు సమాచారం. అటువంటి భయాలు చంద్రబాబు నాయుడికి మొదటి నుంచి ఉన్నప్పటికీ, తన కొడుకుకు పిల్లను ఇచ్చిన తండ్రిగా బాలకృష్ణ తనకు ఎసరు పెట్టడని చంద్రబాబు నాయుడు అనుకున్నారు. కానీ రాజకీయాల్లో ఏదైనా సాధ్యమే. త్వరలో బాలయ్య చంద్రబాబుకు ఏకుమేకైనా ఆశ్చర్యం లేదు.