వైఎస్ అల్లుడు కాబట్టేనా?

క్రిస్మస్ ఉత్సవాల్లో భాగంగా రాష్ట్రమంతటా బ్రదర్ అనిల్ కుమార్ హోర్డింగ్స్, కటౌట్ లు వెలిశాయి. ఈ ప్రచారానికి కోట్లాది రూపాయలు ఖర్చు చేసి ఉంటారు. క్రిస్టియన్ మతంలో పెద్ద పేరు లేని ఈ అనిల్ కుమార్ కు ఇంత డబ్బు ఎక్కడి నుంచి వచ్చిందన్న ప్రశ్న తలెత్తవచ్చు. కానీ ఆయన సాక్షాత్తు ముఖ్యమంత్రి రాజశేఖరరెడ్డి గారికి అల్లుడైన తర్వాత డబ్బుకి కొదవ ఏముంటుందని ప్రతిపక్ష నాయకులు విమర్శిస్తున్నారు.

ముఖ్యమంత్రి రాజశేఖరరెడ్డి భార్య విజయమ్మ క్రిస్టియన్ మతాభిమాని. ముఖ్యమంత్రి కూడా అప్పుడపుడు ఆమెతో పాటు ప్రార్ధనలకు హాజరవుతుంటారు. వైఎస్ ఏకైక కుమార్తె షర్మిల అనిల్ కుమార్ ను ప్రేమ వివాహం చేసుకున్నారు. బ్రాహ్మణ కులంలో పుట్టిన అనిల్ కుమార్ క్రిస్టియన్ మతం పుచ్చుకుని దేవుడి వాక్యాలను ప్రచారం చేస్తున్నారు. మత ప్రచారకుడిగా ఆయన ప్రతిభా వంతుడే అయినా ప్రచారానికి అంత భారీగా నిదులు ఎక్కడి నుంచి వస్తున్నాయని ప్రతిపక్షనాయకులు ప్రశ్నిస్తున్నారు.