వైఎస్ కు బాబు కితాబు!

ముఖ్యమంత్రి రాజశేఖర్‌రెడ్డి చాలా తెలివైనవారని తెలుగుదేశం అధ్యక్షుడు నారా చంద్రబాబునాయుడు కితాబు ఇచ్చారు. ఆదివారం నిజామాబాద్‌ జిల్లాలో ముఖ్యమంత్రి వ్యాఖ్యాలపై స్పందిస్తూ సోమవారం ఆయన విలేకరులతో మాట్లాడుతూ అవును నేను నిజంగా అజ్ఞానినే ఎందుకంటే టిడిపి రాష్ట్రం కోసం ఆలోచించి పనిచేసిందని, వైఎస్‌ సొంతం కోసం ఆలోచిస్తూ పనులు చేస్తున్నారని బాబు పేర్కొన్నారు.

అధికారం కోసం టిడిపి ఏనాడూ వెంపర్లాడలేదని, అందుకోసం ఎన్ని వేషాలు వెయ్యాలో అన్ని వైఎస్‌ వేశారని అన్నారు. ఎక్కడ అధికారం దక్కకుండా పోతుందని సొంత పార్టీలో కొందరిని పక్కకు నెట్టిన ఘనత ఆయనదేనని అందుకే ఆయన చాలా తెలివైన వారని బాబు తెలిపారు.