జయసుధకు ముట్టినదెంత?

జయసుధ ఊరించి, ఊరించి చివరికి వైఎస్, డిఎస్ సమక్షంలో కాంగ్రెస్ పార్టీలో చేరారు. వచ్చే ఎన్నికల్లో ఆమె కాంగ్రెస్ పార్టీ తరఫున రాష్ట్రమంతటా తిరిగి ప్రచారం చేయనున్నారు. 2004 ఎన్నికల్లో ఆమె తెలుగుదేశం పార్టీ అభిమానిగా వార్తల్లోకి వచ్చారు. ఇటీవల చిరంజీవి పార్టీ పెట్టకముందు ఆయనను కలుసుకుని, చిరు పార్టీలో చేరి ప్రచారం చేస్తానని ఆఫర చేసినట్టు తెలుస్తోంది. కానీ చిరంజీవి ఆమె పట్ల పెద్దగా ఆసక్తి చూపకుండా " చూద్దాం, చేద్దాం" అని చెప్పి పంపిచారట.

దీనితో రగిలిపోయిన జయసుధ కాంగ్రెస్ నాయకులకు ఫీలర్లు పంపినట్టు తెలుస్తోంది. తనకు ఆర్ధిక ఇబ్బందులు ఉన్నాయని జయసుధ ప్రస్తావించగా అవన్నీ తాము చూసుకుంటామని కాంగ్రెస్ నాయకులు ఆమెకు అభయం ఇచ్చి పార్టీలోకి చేర్చుకున్నట్టు ఒక కథనం. కాంగ్రెస్ తరఫున ప్రచార రంగంలోకి దిగనున్న సినిమా వాళ్ళకి భారీ మొత్తంలో నజరానాలు, ఫేవర్లు జరిగినట్టు తెలుస్తోంది. చిరంజీవి పార్టీ పెట్టక ముందే ఆయన మీద చెలరేగిపోయిన హీరో రాజశేఖర్ కు జూబిలీహిల్స్ లోని స్ధలానికి ఫేవర్ చేయడానికి కాంగ్రెస్ ప్రముఖులు తీవ్రంగా ప్రయత్నిస్తున్నట్టు తెలిసింది.