చిన్న ఎన్టీఆర్ వి ఇంత చిన్న కోర్కెలా?

చంద్రబాబు నాయుడిని కలుసుకున్న జూనియర్ ఎన్టీఆర్ తాను తెలుగుదేశం తరఫున ప్రచారం చేయడానికి కోరుకున్న అంశాలేమిటి? ఆ గుడివాడ, ఆ గన్నవరం స్ధానాలేనా? ఆ రెండు స్ధానాల టెకెట్లను తన మనుషులకు ఇప్పించుకోవాలన్నది జూనియర్ ఎన్టీఆర్ అభిమతం. అందుకు చంద్రబాబు నాయుడు అంగీకరించే ఉంటారు. గుడివాడలో గత అసెంబ్లీ ఎన్నికల్లో కొడాలి నాని తెలుగుదేశం పార్టీ తరఫున ఎన్నికయ్యారు. కాంగ్రెస్ గాలి వీస్తున్న సమయంలో కూడా నాని ఇక్కడ నుంచి గెలవడం విశేషం. నాని తరఫున ఆనాడు జూనియర్ ఎన్టీఆర్ ప్రచారం చేశారు. ఇప్పుడు మళ్ళీ నానికి టికెట్ ఇవ్వడానికి చంద్రబాబు నాయుడికి వ్యతిరేకత ఉండాల్సిన అవసరం లేదు.

ఎటు తిరిగీ గన్నవరం టికెట్ వద్దే పేచీ వస్తోంది. కళ్యాణ్ రామ్ ఒకరికి టికెట్ ఇవ్వాలని కోరుతుండగా ఎన్టీఆర్ మరొకరి పేరు సిఫార్సు చేస్తున్నారు. నందమూరి అందగాళ్ళ ప్రచారంతో తెలుగుదేశం పార్టీ అధికారంలోకి వస్తుందా లేదా అన్నది చంద్రబాబు నాయుడు అలోచించుకోవలసిన అవసరం. సినిమా హీరోలు మూడు రాజకీయ పార్టీల పక్షాన చేరడంతో సినిమా బలమొక్కటే సరిపోదు. శక్తివంతమైన నినాదాలు, విధానాల తో తెలుగుదేశం పార్టీ ముందుకు సాగవలసిన అవసరముంది. కాంగ్రెస్- టీఅర్ ఎస్ ల మధ్య ఒప్పందం కుదిరే అవకాశాలు ఉన్నందువల్ల తెలుగుదేశం ఇప్పుడు దాదాపు అధికారానికి దూరమైనట్టే లెక్క.