చిరుకు పోటీగా 'బాలయ్య' గర్జన

చిరంజీవి పార్టీ ఆవిర్భావ సభకు పోటీ సభను నందమూరి బాలకృష్ణ త్వరలోనే నిర్వహించనున్నట్లు తెలుస్తోంది. గుంటూరులో తెలుగు దేశం పార్టీ నిర్వహించనున్న యువగర్జన సభే చిరంజీవి సభకు పోటీ కానుందని సమాచారం. ఇందుకు టీడీపి సీనియర్ నాయకులు యోచన చేస్తున్నట్లు రూమర్స్ వస్తున్నాయి.యువగర్జన కార్యక్రమాన్నే...బాలకృష్ణ యువరత్న గర్జన గా మార్చి భారీ జన సమీకరణకు ప్లాన్ చేస్తున్నారు. ఈ సభా వేదికపైకి నందమూరి వంశానికి చెందిన హీరోలంతా వచ్చి తెలుగు దేశం పార్టీకు సంఘీభావం ప్రకటించనున్నారని చెప్తున్నారు.

తద్వారా తామంతా టీడీపీ వెన్నంటే ఉన్నామని తమ అభిమానులకు సంకేతాలు పంపుతారు. ఇక ఈ సభ ద్వారా కోస్తా జిల్లాలోని యువత కు బాలయ్య పై ఉన్న క్రేజ్ ని ఓట్లు గా మార్చుకోవాలని సీనియర్లు వ్యూహరచన చేస్తున్నారు. అక్టోబర్ లో ఈ సభ జరగనుందని ...అఫీషియల్ గా బలకృష్ణ రాజకీయ ప్రవేశం చేసే అవకాశం ఈ సభ కల్గిస్తుందని సమాచారం. మరో ప్రక్క నందమూరి అభిమానులు చిరు పార్టీ ప్రకటించటంతో తమ అభిమాన నటుడు రాజకీయ రంగ ప్రవేశం కోసం ఎదురు చూస్తున్నారు. ఆ కల నెరవేర్చటానికే ఈ యువరత్న గర్జన అని తెలుస్తోంది.