'చంద్ర'గిరి పైనే రోజా గురి

తెలుగు దేశం మహిళా అధ్యక్షురాలైన రోజా ప్రతీ రోజూ తనదైన శైలిలో పార్టీ ప్రచారం చేస్తూ ఇతర పార్టీలను దుయ్యపడుతూ కష్టపడుతోంది. అందులోనూ రాజకీయ విమర్శనాస్త్రాలు విసరటంలో ఆరితేరటంతో పార్టీలో మంచి పేరే సంపాదించుకుంది. ఐతే మొదటనుంచి ఆమెకు ఎమ్.ఎల్.ఎ సీటు పైనే దృష్టి ఉంది. ఆ విషయాన్ని మొన్నీ మధ్య మీడియా మీట్ లో బయిటపెట్టింది. కాని చంద్రబాబు మాత్రం ఇంత మంచి మాటకారిని,మహిళలను ఆకర్షించే సత్తా ఉన్నామెను ఒక ప్రాంతానికే పరిమితం చేయదలుచుకోవటంలేదనేది సుస్పష్టం. తన వెనకే తిప్పుకుంటూ అన్నీ నేర్పింది ఒక నియోజక వర్గంలో ప్రచారం చేసుకోవటానికి కాదనేది ఆయన ఫీలింగ్.

అయితే ఇది గమనించిన రోజా తనకు నగరిలో సీట్ ఇవ్వాలని ఇంతకు ముందే అడిగింది. చంద్రబాబు ఆ సీటు ముద్దు కృష్ణమనాయుడుకి ఇచ్చేదని,ఆయన ఆ షరతు పైనే పార్టీలోకి ఎంటర్ అవబోతున్నారని చెప్పారని అంతర్గత పార్టీ వర్గాల కథనం. సర్లే మీ తమ్ముడు రామ్మూర్తి నాయుడు గతంలో పోటీ చేసిన చంద్రగిరి అయినా తనకు ఇవ్వమని ఆమె పట్టుపడుతోందని లేటెస్ట్ ఇష్యూ. ఆ సీటు అనారోగ్యం కారణం చూపి రామ్మూర్తినాయుడుకే ఇవ్వక వేరే వాళ్ళకి కట్టపెడదామనే ఆలోచనలో ఉన్న బాబుకి ఈ విషయం మింగుడు పడంటంలేదు. అందులోనూ ఆయన తన బంధువులతో రామ్మూర్తినాయుడుకి ఎమ్.ఎల్.సి సీటు ఇస్తానని చెప్పటం దీన్ని బలపరుస్తోంది. మరో ప్రక్క రాజకీయంలో పండిపోయిన రోజాని బుజ్జగించేందుకు రాజ్యసభకు పంపుతానని ఆయన హామీ ఇస్తున్నారు. అలా అయినా ఆమెను రాష్ట్రమంతా తిప్పాలని యోచిస్తున్నారు. అటు రోజా...తన రాజకీయ గురువులాంటి చంద్రబాబు ఎవరి స్క్రీమ్ ల్లో వారున్నారు. ఆమె గట్టిగా పట్టుపడితే తప్పదు కానీ అప్పటి వరకూ తిప్పవచ్చుకదా.