ఐటి కంపెనీల హైద్రా'బాధ' , బెంగళూరు ఆనందం

వేర్పాటు వాదాలతో అట్టుడిగిపోతున్న ఆంధ్రప్రదేశ్ పరిణామాలు కర్ణాటకకు, తమిళనాడుకు అమిత ఆనందాన్ని కలిగిస్తున్నాయి. ఆనేక సాఫ్ట్ వేర్ కంపెనీలు హైదరాబాద్ లోని తమ ఆపరేషన్లకు బ్రేకు వేసి బెంగళూరు, చెన్నై లలోని తమ కార్యాలయాలకు తరలిస్తున్నాయి. హైదరాబాద్ లోని ఐటి పరిశ్రమను దెబ్బతీసి, చెన్నై కి తరలించడానికే చిదంబరం తెలంగాణ మీద ఇన్ని రకాల ప్రకటనలు చేస్తున్నారన్న విమర్శలు వచ్చాయి.

హైదరాబాద్ లోని ఐటి కంపెనీలకు పూర్తి పోలీసు రక్షణ కల్పించినప్పటికీ అత్యంత సెన్సిటివ్ గా ఉండే ఐటీ యాజమాన్యాలు హైదరాబాద్ లో తమ ఆపరేషన్లను కొనసాగించడానికి, కొత్త వెంచర్లను పెట్టడానికి భయపడుతున్నారు. హైదరాబాద్ లోని ఫార్మా, సినిమా రంగాలపై కూడా ఉద్యమాల ప్రభావం బాగా పడినట్టు కన్పిస్తోంది. అయితే తెలంగాణపై ముఖ్యంగా హైదరాబాద్ హోదాపై కేంద్రం ఒక స్పష్టమైన ప్రకటన చేసిన తర్వాత పరిశ్రమల్లో స్ధిరత్వం రావచ్చు.