కమ్మ ముద్రని బాబు చెరిపేస్తాడా?

తెలుగుదేశం పార్టీకి ఉన్న కమ్మకులం పార్టీ అనే ముద్రని తుడిచేయటానికి చంద్రబాబు కంకణం కట్టుకున్నారని తెలుస్తోంది. ఈ దిసగా ఆయన ప్రత్యేకంగా పావులు కదుపుతూ అందర్నీ కలుపుకుంటూ పోవాలనే కృత నిర్చయానికి వచ్చినట్లు తెలుస్తోంది. అందుకోసం ఆయన ప్రత్యేకమైన ప్రణాళిక తయారుచేసి రెడ్డిలను, బ్రాహ్మలను, వైశ్యులను వంతులు వారీగా ఆహ్వానించేందుకు సన్నాహాలు చేస్తున్నారని చెప్తున్నారు. అయితే దీనికి కొంత వ్యతిరేకత అంతర్గతంగా వచ్చిందని దీనికి చంద్రబాబు సరైన సమాధానం చెప్పి వారిని సంతృప్తి పరిచారని తెలుస్తోంది. వారి అనుమానాలకు చంద్రబాబు సమాధానంగా ఉత్తరప్రదేశ్ లో మాయావతి తాను ఎస్.సి.అయినా తెలివిగా పటిస్టంగా ఉన్న బ్రహ్మణ కమ్యూనిటీని కలుపుకుని అధ్బుతమైన విజయం సాధించిందని గుర్తు చేస్తున్నారు. ఇది ఒక కొత్త స్టాటజీగా అభివర్ణిస్తున్నారు.

అయితే పార్టీలోని కొందరు సీనియర్స్ కి చిరాకు తెప్పించే పనే అయినా కమ్మ ముద్రని చెరిపేసి తెలుగుదేశాన్ని తీర్చిదిద్దితే ఉన్నంతలో కొన్ని వర్గాలు దూరం కావని యోచిస్తున్నట్లు ఈ అపర చాణుక్యుడు మ్యాప్ గీస్తున్నారు. ఈ కొత్త మార్పు ద్వారా తెలుగుదేశానికి కొత్త రూపు ఇచ్చినట్లు అవుతుందని, అన్ని వర్గాల ఓట్లు ఆకర్షించేందుకు మార్గం సుగమమం అవుతుందని భావిస్తున్నారు. అయితే ఇక్కడవరకూ బాగానే ఉన్నా అధికార విభజన సమయంలో పదవులు ఇచ్చేటప్పుడు వీరికి కూడా ప్రాదాన్యత ఇస్తారా అని కొందరు ఇప్పటికే అనుమానాలు అధినాయకుడు వద్ద వ్యక్తం చేస్తున్నట్లు తెలుస్తోంది. పదివిలోకి వచ్చిన తర్వాత రావాల్సిన డౌట్లు అవి అని కొందరు కొట్టిపారేస్తున్నారు. అయితే ఈ వ్యూహానికి అడ్డుగా రెడ్డి,బ్రాహ్మణ కులాలు తరతరాలుగా కాంగ్రేస్ కు సపోర్టు ఇవ్వటం నిలుస్తోంది. మరో ప్రక్క కాంగ్రేస్ అధికారంలో ఉండటంతో కొంత సమస్య ఎదురౌతోంది. ఏదైమైనా కమ్మ పార్టీ అనే ముద్ర పోతేనే తెలుగుదేశానికి భద్రం అనే నినాదం ఊపందుకుంటోంది.