ఆ రహస్యం బాబుకే తెలుసు!

జూనియర్ ఎన్టీఆర్, బాలకృష్ణ ప్రస్తుతానికి తెలుగుదేశం రాజకీయాలకు దూరంగా ఉంటున్నారు. పారిశ్రామిక వేత్త సుజన గ్రూపు చౌదరి మీద తాజాగా ఈనాడులో ప్రత్యేక కథనం రావడం అందరికీ ఆశ్చర్యం కలిగించింది. 22 కంపెనీల పేరుతో చౌదరి వివిధ బ్యాంకుల నుంచి వందలాది కోట్ల రూపాయలు అప్పుగా తీసుకున్నట్టు ఈనాడు కథనం.

ఎన్నికల ముందు చౌదరి తెలుగుదేశం పార్టీ వ్యవహారాల్లో కీలకపాత్ర వహించడం టిడిపి నాయకులకు మరీ ముఖ్యంగా కమ్మ నాయకులకు రుచించలేదు. చౌదరి మీద ఎన్నికల అనంతరం ఆంధ్రజ్యోతి సీరియల్ గా కథనాలను ప్రచురించింది. ఇప్పుడు ఈనాడు వంతు అయింది. తమ కులం వాడైన చౌదరికి ఈ రెండు పత్రికలు ఎందుకిలా వేధిస్తున్నాయో తెలియడం లేదు. అసలు కారణాలు చంద్రబాబు నాయుడికి తెలిసి ఉండవచ్చు.