ఆ 30 కోట్ల గుట్టు బాబుకు తెలుసా?

చంద్రబాబు నాయుడు అధికారంలో ఉన్న కాలంలోనే సత్యం రామలింగరాజు బాగా అభివృద్ధి చెందినట్టు కన్పిస్తోంది. కార్పొరేట్ వ్యాపారంపై ఎంతో అసక్తి చూపించే చంద్రబాబుకు రామలింగరాజు ఆరాధ్యంగా కన్పించి ఉండవచ్చు. 2002 సంవత్సరంలోనే (అప్పుడు చంద్రబాబు ముఖ్యమంత్రిగా ఉన్నారు) రామలింగరాజుకు సంబంధించిన ఒక కుంభకోణం వెలుగులోకి వచ్చింది. రామలింగరాజు తన కుటుంబ సభ్యుల తరఫున బినామీ పేర్లతో వివిధ బ్యాంకుల్లో 30 కోట్ల రూపాయల ధనాన్ని దాచినట్టు ఆదాయపు పన్ను శాఖ దృష్టికి వచ్చింది.

అయినా రాజు మీద చర్యలు తీసుకోకుండా చంద్రబాబు నాయుడు అడ్డుపడ్డారని, కేంద్రంలో అయన మద్దతు ఇస్తున్న ఎన్ డి ఎ ప్రభుత్వం కూడా రామలింగరాజుకు అనుకూలంగా వ్యవహరించిందని నేడు ఎన్ డిటివి స్పెషల్ స్టోరీని ప్రసారం చేసింది. ఇంతకీ ఈ రహస్యాన్ని ఎవరు బయటపెట్టి ఉండవచ్చు? చంద్రబాబు వద్ద ఎన్నో ఏళ్ళు సిపీఆర్వో గా పని చేసి ఇటీవలే వైఎస్ వైపు ప్లేటు మార్చిన విజయ కుమార్ అయి ఉండవచ్చని తెలుగుదేశం మేధావులు అనుమానిస్తున్నారు. చంద్రబాబు లీలలు ఇంకెన్ని బయటికి రానున్నాయో?