బాబు గోల బాబుది

చంద్రబాబు నాయుడు ఇప్పుడు ఎలక్ట్రానిక్ ఓటింగ్ మెషిన్ల (ఇవిఎం)లను అనుమానిస్తున్నారు. ఆయన అధికారంలో ఉన్నప్పుడు కూడా కొన్ని నియోజకవర్గాల్లో ఇవిఎంలను ఉపయోగించారు. మరి అప్పుడు లేని అభ్యంతరం ఎప్పుడెందుకు అని విమర్శిస్తున్నారు కాంగ్రెస్ నాయకులు. హైటెక్కులు పోయిన చంద్రబాబుకు ఇవిఎంలు ఎలా పనిచేస్తాయో తెలియదా అని ఎద్దేవా చేస్తున్నారు. తమిళనాడులో జయలలిత కూడా ఇవిఎంలను అనుమానిస్తున్నారు. ఇవిఎంలను చంద్రబాబు అనుమానించడంపై చిరంజీవి స్పందన బాగుంది. ఆడలేక మద్దెల ఓడు అన్నట్టు చిరంజీవి ధోరణి ఉందని ఆయన ఎగతాళి చేశారు.

తొమ్మిదేళ్ళ పాటు ముఖ్యమంత్రిగా పనిచేసిన బాబు ఇంకా పరిపక్వతతో వ్యవహరించాలి. అడ్డగోలుగా మాట్లాడితే క్రెడిబులిటీ ఇంకా పడిపోతుందని టీవీ చానల్స్ లో చర్చలకు వచ్చే అతిధి మేధావులు వ్యాఖ్యానిస్తున్నారు. ఇవిఎంల మీద అనుమానం ఉంటే ఆయన ఎన్నికలకు ముందే ఇసికి ఫిర్యాదు చేసి ఉండాల్సింది. తమ నాయకులకు ఈ విషయాన్ని పదే పదే బహిరంగంగా చెప్పి ఉంటే బాగుండేది. అంతా అయిపోయాక అధికార పక్షం అక్రమాలకు పాల్పడిందని ఆక్రోశించడం అర్ధరహితం.