ఆంధ్ర, రాయలసీమలో చిరంజీవి హవా, హవా

చిరంజీవి ఇప్పుడు మరోసారి మెగాస్టార్ అయ్యారా? కోస్తాఆంధ్రలో ఆయనకు లభిస్తున్న ఆదరణ చూస్తుంటే అలాగే అన్పిస్తోంది. వెండి తెరపై పసిడి పంట వంటి సినిమారంగాన్ని వదులుకుని ఆయన రాజకీయాల్లోకి వచ్చి తప్పు చేశారన్న అభిప్రాయం ఆయన అభిమానుల్లో ఉండేది. కానీ ఆయన ఇటీవల సమైక్యాంధ్ర వైఖరి తీసుకుని పెద్ద నాయకుడైనట్టే కన్పిస్తోంది. ఆయన తెలంగాణకు వ్యతిరేకం కానప్పటికీ వ్యూహాత్మకంగా సమైక్యాంధ్ర వైఖరి తీసుకున్నారు.

గత ఎన్నికల్లో చిరంజీవికి కోస్తాఆంధ్ర కలిసి రాకపోవడానికి రాజశేఖరరెడ్డి ఫ్యాక్టర్ ప్రధాన కారణం. కాపులు అనేక సంవత్సరాలుగా రాజశేఖరరెడ్డిని నమ్ముకున్నారు. చిరంజీవి రాజకీయాల్లోకి వచ్చినా కాపుల విశ్వసనీత వైఎస్ మీదనే ఉండింది. అందువల్లనే చిరుకు ఆంధ్రలో ఆశించిన స్ధానాలు రాలేదు. ఇప్పుడు పరిస్ధితి మారిపోయింది. వైఎస్ లేకపోవడం, సమైక్యాంధ్ర వైఖరి తీసుకోవడం చిరంజీవికి లాభిస్తోంది. చంద్రబాబు నాయుడి ద్వంద్వ వైఖరి నచ్చని ఆంధ్రులు చిరంజీవి వైపు మొగ్గు చూపుతున్నట్టు కన్పిస్తోంది.