చిరంజీవి ఓవరాక్షన్!

చిరంజీవి నేడు అసెంబ్లీలో చేసిన ఓవరాక్షన్ ఎబ్బెట్టుగా ఉంది. చంద్రబాబు నాయుడు, రాజశేఖరరెడ్డి అవినీతి మీద, సంపాదన మీద పరస్పర ఆరోపణలు చేసుకుంటున్న సమయంలో లోక్ సత్తా పార్టీ అధినేత జయప్రకాష్ నారాయణకు అవకాశం రాగా ఆయన చాలా బ్యాలెన్సెడ్ గా మాట్లాడారు. రాజకీయ నాయకుల అవినీతిని ప్రజలు అసహ్యించుకుంటున్నారన్న అర్ధం వచ్చేలా జెపి మాట్లాడారు. ఈ రాష్ట్రం వైఎస్, బాబుల సొంత రాజ్యం ఆయన చక్కగా చెప్పారు.చిరంజీవి మాత్రం వైఎస్, బాబు లను సమర్ధించేలా మాట్లాడారు. వారి పరువును రక్షించడమే లక్ష్యంగా ప్రసంగించారు. ఇద్దరికీ మధ్య తాను రాజీ చేశానని ఇక పరస్పర ఆరోపణలు మానుకోవాలని కోరారు.

బాబు,వైఎస్ లు పరస్పరం తీవ్రంగా ఒకరి బండారం ఒకరు బయటపెట్టుకుంటే బాగుంటుందని ఆశించిన సామాన్య ప్రజల ఉత్సాహం మీద చిరంజీవి చన్నీళ్ళు చల్లినట్టయింది. చిరంజీవి తాను కూడా ఆ అవినీతి తానులో ముక్కేనన్న సంకేతాలు నేడు సామాన్య ప్రజల్లోకి వెళ్ళాయి. చిరంజీవి రాజకీయ అపరిక్వత నేడు బాగా హాస్యాస్పదమైంది. వెండితెర మీద బంగారు పంట పండించిన ఒక హీరో రాజకీయాల్లో ఇలా జీరో అయిపోవడం చాలా మందికి బాధ కలిగించింది.