అరవిందా? చిరు విందా?

మొదట్లో ఎందుకొచ్చానురా రాజకీయాల్లోకి అన్నట్టు మొహం పెట్టేవారు చిరంజీవి మీడియా సమావేశాల్లో. క్రమంగా అయనకు రాజకీయాలో ఉన్న మజా అర్ధమైంది. అందుకే ఫలితాలు వచ్చే లోపు విదేశాలకు వెళ్ళి విశ్రాంతి తీసుకోమని శ్రేయోభిలాషులు చెప్పినా ఆయన హైదరాబాద్ విడిచివెళ్ళడం లేదు. జిల్లాల వారీగా సమీక్షా సమావేశాలను నిర్వహించి, అభ్యర్ధులతో సాన్నిహిత్యాన్ని పెంచుకుంటున్నారు. ఓక ఏడాదిలో రాష్ట్రంలోని కనీస వెయ్యిమంచి పీఅర్పి ముఖ్య నేతలను పేరు పెట్టి పిలవగగిన స్ధితికి రావాలని చిరంజీవి ఆలోచన. చంద్రబాబు రెండు వేలమందిని, వైఎస్ కూడా దాదాపు అంతే మందిని పేరుతో గుర్తుపట్టగలరు.

ప్రతి అసెంబ్లీ నియోజకవర్గంలో పార్టీ కోసం గట్టిగా పనిచేసిన 20 మంది నాయకుల జాబితాను తయారు చేసి తనకు అందించవలసిందిగా ఎమ్మెల్యే అభ్యర్ధులను చిరంజీవి కోరుతున్నారు. పది రోజుల్లో సాధ్యమైనంత ఎక్కువ మందితో విందు సమావేశాలు నిర్వహించాలని చిరు నిర్ణయించారు. అల్లు అరవింద్ ఇచ్చే అరకొర విందు సరిపెట్టకుండా చిరంజీవి స్వయంగా పాల్గొనే అసలైన విందు కోసం గ్రామీణ నాయకులు ఎదురు చూస్తున్నారట.