గవర్నర్ నరసింహన్ చిదంబరం మనిషి!

తెలంగాణ వాదుల కుట్రకు తాను బలైపోయానన్నట్టు మాజీ గవర్నర్ ఎన్ డి తివారీ మాట్లాడుతున్నారు. తెలంగాణ నాయకులకు తాను రాష్ట్రపతి అపాయింట్ మెంట్ ఇవ్వనందుకే తన మీద బురదజల్లారని ఆయన సొంత రాష్ట్రంలో చెప్పుకున్నారు. ఆయన కేవలం పరువు కాపాడుకోడానికే అలా అంటున్నట్టు కన్పిస్తోంది. ఈ ప్రకటన ద్వారా ఆయన తాను సమైక్య వాదినని చెప్పుకున్నారు.

నిజానికి ఆయన సెక్స్ కుంభకోణంలో తెరవెనుక పాత్ర వహించిన ఆ కాంట్రాక్టర్ మహిళ తెలంగాణకు చెందిన వారు కాదు. ఆ క్లిప్స్ ను ధైర్యంగా ప్రచురించిన ఆంధ్రజ్యోతి చానల్ కూడా తెలంగాణ యాజమాన్యం లోనిది కాదు. పోనీ తమకు వ్యతిరేకమైన గవర్నర్ ను సాగనంపి, తమకు పూర్తిగా అనుకూలుడైన గవర్నర్ ను తెలంగాణ నాయకులు తెచ్చుకున్నారా అంటే అదికూడా కాదు. కొత్త నరసింహన్ నరహంతకుడని, తెలంగాణలో రక్తపాతం సృష్టించడానికే ఆయనను రప్పించారని మావోయిస్టు నాయకులు ఆరోపిస్తున్నారు. గవర్నర్ నియంతగా వ్యవహరించబోతున్నారన్న భయభ్రాంతులు వ్యక్తమవుతున్నాయి. నరసింహన్ హోంమంత్రి చిదంబరం మనిషి. ఆయన లాబీయింగ్ వల్లనే నరసింహన్ మొదటిసారిగా గవర్నర్ అయ్యారు. చిదంబరం బాస్ ఏది చెబితే అలా వ్యహరించడానికి నరసింహన్ సిద్ధంగా ఉన్నట్టు కన్పిస్తోంది.