రాజశేఖర్ క్లీనిక్

డాక్టర్ రాజశేఖర్ పేరుకే డాక్టర్ కానీ ఆయన ప్రధానంగా యాక్టర్. అలాగే డాక్టర్ రాజశేఖరరెడ్డి, డాక్టర్ నాగం జనార్ధనరెడ్డి, డాక్టర్ మైసూరారెడ్డి మెడికల్ డాక్టర్లే కానీ వారు సిరంజిని పట్టుకుని కొన్ని ఏళ్ళు అయి ఉంటుంది. మెడికల్ డాక్టర్ అయిన రాజశేఖర్ కూడా అంతే. ఎన్నికల ముందు కాంగ్రెస్ పార్టీలో చేరిన జీవిత, రాజశేఖర్ లకు ఆ పార్టీలో పెద్ద పీఠమేదీ దక్కలేదు. అయినా కుంగిపోకుండా ప్రజలకు సేవ చేయాలని రాజశేఖర్ ఆకాంక్షించారు. తన ఇంటి పక్కనే ఒక క్లీనిక్ ప్రారంభించారు.

ఈ క్లీనిక్ లో అతి తక్కువ ఫీజుకు వైద్య సేవలు లభిస్తాయట. సినిమాలు తీసి నష్టపోయిన రాజశేఖర్ డాక్టర్ గా తన శేష జీవితం గడపాలనుకుంటున్నట్టు తెలుస్తోంది. అయితే క్లీనిక్ నడపడం పూర్తిగా తనవల్ల కాదు కాబట్టి కొందరు పార్ట్ టైం డాక్టర్ల సేవలను తీసుకోవాలనుకుంటున్నారు. ఇంజెక్షన్ చేసి ఏన్నో ఏళ్ళు అయినందువల్ల ఈ యాంగ్రీ హీరో డాక్టర్ పాత్ర పోషించకుండా మేనేజ్ మెంట్ పాత్ర తీసుకోవాలని శ్రేయోభిలాషులు కోరుకుంటున్నారు.