లేడీ విలన్ గా లక్ష్మీపార్వతి?

తెలుగుదేశం పాలిట లక్ష్మీపార్వతి విచిత్ర విలన్ గా మారినట్టు కన్పిస్తోంది. మాటిమాటికీ ఆమె ముఖ్యమంత్రి వైఎస్ ను పొగడ్తలతో ముంచెత్తుతున్నారు. సంక్షేమ పథకాలను అమలు చేస్తూ ఎన్టీఆర్ కు నిజమైన వారసుడు వైఎస్సేనని ఎన్నికల ముందు అన్నారామె. నిన్న సిఎంను ఆయన క్యాంప్ కార్యాలయంలో కలుసుకుని వచ్చే ఎన్నికల తర్వాత కూడా మీరే ముఖ్యమంత్రిగా ఉంటారని ఆశీర్వదించారు. అనంతరం ఆమె విలేకరులతో మాట్లాడుతూ ఈ విషయాన్ని చెప్పారు.

ఎన్టీఆర్ భార్య అయిన లక్ష్మీపార్వతి కాంగ్రెస్ కు అనుకూలంగా మాట్లాడడం తెలుగుదేశం పార్టీకి కొంత నష్టం కలిగించే అంశమే. ఎన్టీఆర్ కుమార్తె దగ్గుబాటి పురందీశ్వరి అప్పుడప్పుడు ఎన్టీఆర్ లాగానే వైఎస్ ప్రజానాయకుడని ప్రశంసిస్తున్నారు. తమ కుటుంబంలోని కొందరు వైఎస్ ను పొగిడేయడం చంద్రబాబుకు, నందమూరి అందగాళ్ళకు నచ్చని విషయమే. వైఎస్ ద్వారా పోదో ఒక పదవిని పొందాలని లక్ష్మీపార్వతి ఆలోచనలా కన్పిస్తోంది.