మోహన్ బాబుకు తెలుగుదేశం తీర్ధం?

అకారణంగా చిరంజీవిపై కామెంట్లు పాస్ చేసే మోహన్ బాబు మళ్ళీ రాజకీయాల్లో క్రియాశీలకం కానున్నారా? తెలుగుదేశం తరఫున రాజ్యసభ సభ్యుడిగా వెలిగిన మోహన్ బాబు రాజకీయాలు విడిచిపెట్టి వ్యాపారాలు చూసుకుంటున్నారు. అయితే ఒకసారి రాజకీయాల్లోని మజా చవి చూసిన తర్వాత వాటిని వదులుకోవడం కష్టమే. మోహన్ బాబు గురువు దాసరి కాంగ్రెస్ తరఫున రాజ్యసభ సభ్యుడిగా ఉన్నారు. కాంగ్రెస్ లో మోహన్ బాబుకు తగిన స్ధానం వైఎస్ బతికి ఉంటే లభించేది. ఇప్పుడు కష్టమే. వైఎస్ కుటుంబంతో సంబంధం అందుకోవడం ద్వారా మోహన్ బాబుకు వారితో సన్నిహిత బంధుత్వం ఏర్పడింది. కానీ కాంగ్రెస్ లో జగన్ క్ సరైన పదవి లభించని నేపధ్యంలో మోహన్ బాబుకు స్కోపు ఏముంటుంది?

చంద్రబాబు నాయుడితోనూ మోహన్ బాబుకు దూరపు బంధుత్వముంది. ఇద్దరూ చిత్తూరు జిల్లా వారే. ఈ నేపధ్యంలో తెలుగుదేశం పార్టీలో చేరుతారా అని మోహన్ బాబును ప్రశ్నించగా ఆయన ఖండించలేదు. పైగా ఆ విషయం ఆలోచిస్తానని చెప్పడం గమనార్హం. మోహన్ బాబు వంటి వారు టిడిపికి ఉపయోగకరంగా ఉంటారనడంలో సందేహం లేదు.