నాగార్జున రాజకీయాలకు దూరమా?

హీరో నాగార్జున గతంలో వైయస్ రాజశేఖరరెడ్డికి బహిరంగంగా మద్దతు ఇచ్చారు. వైయస్ అభివృద్ధి పథకాలను ఎంతగానో మెచ్చుకున్నారు. అనేక టీవీ యాడ్స్ లో నటించి వైయస్ కు అనుకూలంగా ప్రచారం చేశారు. ఇటీవల ఆయన రాజకీయాలపై మౌనం వహిస్తున్నారు. వైయస్ మరణించిన కొత్తలో ఆయన జగన్ కు మద్దతు ఇచ్చారు. వైయస్ కు మద్దతు ఇవ్వడం ద్వారా నాగార్జున తన భూములకు సంబంధించి కొన్ని ఫేవర్లను ప్రభుత్వం నుంచి పొందినట్టు చెబుతారు.

అక్కినేని నాగేశ్వరరావు పరోక్షంగా తెలుగుదేశం అభిమాని. కొడుకు నాగార్జున వైయస్ అభిమాని. నాగార్జున కాంగ్రెస్ కు కాకుండా కేవలం వైయస్ కు మాత్రమే విధేయంగా ఉండేవారు. నాగార్జున సినిమా ఫంక్షన్లకు కూడా దూరంగా ఉంటున్నారు. స్టార్ నైట్ సమావేశాలకు కూడా ఆయన దూరంగా ఉంటున్నారు. నాగార్జునకు కోకాపేట సమీపంలో కొన్ని వందల ఎకరాల భూమి ఉంది. దానిని రక్షించుకోవడానికే ఆనాడు ఆయన వైయస్ కు మద్దతు పలికారని చెబుతున్నారు.