తమ్ముడి సినిమా చూస్తా: పురంధరేశ్వరి

విశాఖపట్నం: రాజకీయాలు, కుటుంబ సంబంధాలు వేర్వేరు అని విశాఖపట్నం కాంగ్రెస్‌ లోక్‌ సభ అభ్యర్థి దగ్గుబాటి పురందేశ్వరి అన్నారు. విశాఖపట్నం వచ్చిన ఆమె గురువారం కొద్దిసేపు విలేఖర్లతో మాట్లాడారు. బాలకృష్ణ సినిమాలు మీరు చూస్తారా? అని ఒక విలేఖరి ప్రశ్నించగా, పార్టీల పరంగా తాము వేరైనా కుటుంబం దగ్గరకు వచ్చేసరికి అంతా కలిసే వుంటామన్నారు. తమ్ముడి సినిమాలు తరచూ చూ స్తుంటానని పురందేశ్వరి సమాధానమిచ్చారు. బాలయ్య తాజా చిత్రం "మిత్రుడు" సినిమాను చూడాలని ఉందని ఆమె చెప్పారు.

రాష్ట్రంలోను, కేంద్రంలోను కాం గ్రెస్‌ పార్టీయే ప్రభుత్వం ఏర్పాటు చేస్తుందని ధీమా వ్యక్తంచేశారు. మూడవ ఫ్రంట్‌ కే అతీగతీ లేదని, ఇక నాలుగవ ఫ్రంట్‌ కు అవకాశం ఎక్కడిదని ప్రశ్నించారు. రాష్ట్రంలో మహాకూటమిలోని పార్టీలకు భావసారూప్యత లేదని, అవి ఎంతకాలం కలిసి వుంటాయో వారికే తెలియదని వ్యాఖ్యానించారు. తెలంగాణలో కాంగ్రెస్‌ కు 60 స్థానాలు వస్తాయని ఆమె అభిప్రాయపడ్డారు.