మీడియా 'టైగర్'కు కష్టాలు!

ఈనాడు మీడియా గ్రూపు సాక్షి గ్రూపు నుంచి తీవ్ర పోటీని ఎదుర్కొంటోంది. ప్రణాళిక, ఆర్ధిక క్రమశిక్షణ ద్వారా రామోజీరావు ఈనాడును అగ్రస్ధానానికి తీసుకెళ్ళారు. కానీ అవి 1980, 90 దశకాల్లో పని చేశాయి కానీ ఇప్పుడు పెద్దగా ఉపయోగముండదని మేనేజ్ మెంట్ నిపుణులు అంటున్నారు. వైఎస్ జగన్ భారీ పెట్టుబడులతో పాటు తన సంస్ధల్లో కార్పొరేట్ కల్చర్ ప్రవేశపెట్టారు. సమర్ధులను తీసుకునే విషయంలో డబ్బు కోసం చూసుకోకుండా ఎంతైనా ఇచ్చి రిక్రూట్ చేసుకోవడం, సిబ్బంది మీద నిఘాల వంటి లేకుండా కేవలం రిజల్ట్ ఓరియంటెడ్ గా పనిచేయించడం మంచి ఫలితాలు వస్తున్నట్టు సమాచారం.

సాక్షి టీవీ ఎంతో అడ్వాన్స్ డ్ టెక్నాలజీతో వచ్చింది. ప్రస్తుతానికి కంటెంట్ పరంగా వెనుకబడినా, ఇక ముందు ఈ చానల్ అగ్రస్ధానానికి చేరుకునే అవకాశముంది. ఈ గ్రూపు నుంచి ఒక ఎంటర్ టైన్ మెంట్ చానల్ కూడా రానుంది. సాక్షి పత్రిక సర్క్యులేషన్ ఈనాడు కంటే కొన్ని వేలైనా ఎక్కువగా ఉంటుంది. భారీ నష్టాల్లో నడుస్తున్నా వారి ప్రభుత్వం అధికారంలోకి వచ్చింది కాబట్టి ఇంకా నిధులు పెట్టి ఓకటి రెండేళ్ళల్లో బ్రేక్ ఈవెన్ కు తీసుకువచ్చే అవకాశాలు కన్పిస్తున్నాయి. వైఎస్ మొండితనం, జగన్ డైనమిజం ఈ గ్రూపునకు శ్రీరామరక్షగా ఉన్నట్టు కన్పిస్తోంది.