రామోజీ ఆనందపు వరద

ఈమధ్య కాలంలో రామోజీరావు ఆనందానికి అవధులు ఉండడం లేదు. ఐదేళ్ళుగా తనను వేధించిన వైఎస్ శిబిరం బలహీనపడడం, అత్యధిక సర్క్యులేషన్ గల దినపత్రికగా ఈనాడు కొనసాగుతుండడం అందుకు ప్రధాన కారణాలు. ఈనాడు గ్రూపు సంస్ధల సిబ్బందికి ఆయన దసరా కానుకగా 20 శాతం బోనస్ ప్రకటించారు. దానితో సిబ్బందిలో నైతిక మొరేల్ పెరిగింది. ఉండవల్లి అరుణ్ కుమార్ కూడా బాగా తగ్గిపోయారు. ఇక రామోజీ సంస్ధల మీద పోరాటాన్ని ఆయన విరమించుకున్నట్టే. రోజుకు కోటి రూపాయల నష్టం భరించి అయినా సర్క్యులేషన్ లో ఈనాడును డామినేట్ చేయాలన్న జగన్ కోరిక ఈ అర్ధ సంవత్సరంలో కూడా నెరవేరలేదు.

ఆడిట్ బ్యూరో ఆఫ సర్క్యులేషన్ తాజా నివేదికలో ఈనాడు సర్క్యులేషన్ 13 లక్షల చిల్లర కాగా సాక్షి సర్క్యులేషన్ 12 లక్షల చిల్లర. అయితే మరో ఆరు నెలలు పోరాడితే సాక్షికి నెంబర్ వన్ సర్టిఫికెట్ వచ్చే అవకాశాలున్నాయి. కానీ దిగులుగా ఉన్న జగన్ తన సిబ్బందిని పోరాట పథంలో నడపగలగాలి. తమ ప్రభుత్వం ఉన్నప్పుడయితే వ్యాపారాలో ఎంత నష్టం వచ్చినా మరో రకంగా పూడ్చుకోగలరు. ఇప్పుడు అధికారం లేకపోవడం జగన్ కు పెద్ద మైనస్ పాయింటే.